Վարչապետ Նիկոլ Փաշինյանն այսօր ընդունել է Երևանի քաղաքապետ Հայկ Մարությանին։ Աշխատանքային հանդիպման թեման աղբահանությունն էր։
Մարությանը նկատում է՝ պայմանագիրը «Սանիթեքի» հետ բավականին հավասարակշռված է։ Դրա բոլոր դրույթների կատարման դեպքում տուժող կողմեր չէին լինի․ կշահեր համայնքը, կշահեր աղբահանություն իրականացնող ընկերությունը, որը պարզապես խնդիրներ չէր ունենա և չէր արժանանա համայնքի հանդիմանանքին ու դժգոհություններին։ Սակայն քաղաքապետի դիտարկմամբ՝ ամբողջ քաղաքի աղբահանության վստահումը մեկ ընկերությանը նշանակում է պայմանագրում չունենալ «անվտանգության բարձիկ», ինչն էլ հանգեցրել է ներկայիս իրավիճակին։
Եվ այսպես, Երևանի քաղաքապետը վարչապետին է ներկայացրել ձախողման օբյեկտիվ և սուբյեկտիվ պատճառները։
«Ըստ իս՝ այդ ընկերությունը լավ չի տիրապետում ոլորտին։ Պայմանագրին կից փաստաթղթերում ընկերությունը նշել է՝ փորձ ունի Լիբանանում և Նիգերիայում, մինչդեռ ասուլիսի ժամանակ լրագրողներին տնօրենն ասաց՝ Թուրքիայում և Ալժիրում։ «Սանիթեքը» լիբանանյան ընկերություն է, ըստ թղթաբանության Լիբանանում աղբահանություն են իրականացրել, մինչդեռ աղբահանության խնդիր ունի նաև Լիբանանը։ Տեսեք, քաղաքապետարանի միակ պարտավորությունը գումարը տալն է։ Ժամացույցի ճշգրտությամբ փոխանցումն արվում է՝ 5․2 մլրդ դրամ տարվա համար», - ասում է Մարությանն ու ավելացնում՝ պայմանագրում նշված չեն անհրաժեշտ աղբատար մեքենաների թիվը, բայց աղբամանների թվաքանակը հստ...