Թուրինի Յուվենթուսի գլխավոր մարզիչ Մասիմիլիանո Ալեգրին մամուլի ասուլիսի ժամանակ հայտարարել է, որ չեմպիոնների լիգայում Յուվենթուսից և Տոտենհեմից բացի 5 ֆավորիտներ կան: Իտալացի մասնագետ նշել է Մադրիդի Ռեալին, Բարսելոնային, Բավարիաին, ՊՍԺ-ին և Մանչեսթեր Սիթիին: Նման հայտարարությունից հետո հասկանալի է դառնում, որ ընթացիկ խաղարկությունը առնվազն լավագույնն է վերջին տասնամյակում: Ստորև ներկայացնենք 3 պատճառներ, որոնք պետք է հիմնավորեն նման կարծիքը: Պատճառ համար 1-Բացարձակ ֆավորիտի բացակայություն Որքան էլ Գվարդիոլայի Սիթին հաղթի բոլոր հնարավոր մրցակիցներին, որքան էլ ասեն «Ռեալը մնում է Ռեալ», որքան էլ Բարսելոնան ու Մեսսին անպարտելի լինեն, Չեմպիոնների լիգայում այս տարի չկա վառ արտահայատված չեմպիոնության հավակնորդ: Եթե հաշվենք 2008 թվականից, ապա կտեսնենք, որ մի քանի շրջաններում անընդմեջ եղել են ֆանտաստիկ թիմեր, որոնք, իհարկե, ոչ միշտ են չեմպիոն դարձել: 2008-2011 թվականների ընթացքում կար Սըր Ալեքսի Յունայթեդը (3 եզրափակիչ 4 տարում), 2008-2012 թթ.՝ Գվարդիոլայի Բարսելոնան, 2014-2016 թթ.՝ Գվարդիոլայի Բավարիան, Մադրիդի Ռեալը: Սակայն ընթացիկ խաղարկությունում նման թիմեր չկան: Նույնիսկ Տոտենհեմը հնարավորություն ունի անակնկալ մատուցել՝ հաշվի առնելով թիմի բարդույթների վերացումը, որի պատճառով Պոչետինոյի սաները չէին կարողանում Եվրոպայում արդյունք ցույց տալ: Պատճառ համար 2. ¼ եզրափակիչում սպասվում են առնվազն 3 ֆանտաստիկ զույգեր Միգուցե տեղին չէ այսքան վաղ նման կանխատեսում անել, սակայն դժվար է պատկերացնել, որ Բեշիքթաշն ու Սևիլյան կարող են դուրս թողնել Բավարիային և Մանչեսթեր Յունայթեդին: Ցանկացած պարագայում Չելսի-Բարսելոնա, Յուվենթուս-Տոտենհեմ և Ռեալ Մադրիդ-ՊՍԺ զույգերի հաղթողները թոփ թիմեր են: Լիվերպուլն ու Մանչեսթեր Սիթին 99 տոկոսով ապահովել են իրենց տեղը ¼-ում: Նման միջավայրում թզուկի կարգավիճակ ունեն Ռոմա-Շախտյոր զույգի թիմերը, վերջիններս սակայն իզորու են պայքար մղել և Բազելի կամ Պորտուի պես հենց առաջին խաղում չսպանել ինտրիգը: Եթե ուղղակի պատկերանցնենք, որ քառորդ եզրափակիչում լինելու են Մանչեսթեր Յունայթեդը, Մանչ...