ՀՅԴ Բյուրոյի տնտեսական հտեզոտությունների պատասխանատու, տնտեսագետ Սուրեն Պարսյանը գտնում է, որ աղքատ երկրում բարեկեցիկ թոշակառու չի կարող լինել: Այս մասին նա հայտարարեց այսօր լրագրողների հետ զրույցում` անդրադառնալով ՀՅԴ Բյուրոյի տնտեսական հետազոտությունների կենտրոնի կողմից արված պարտադիր կուտակային կենսաթոշակային համակարգի վերաբերյալ վերլուծությանը:
Պարսյանը հերթով անդրադարձավ այս համակարգի հեղինակների կողմից բերված փաստարկներին և բերեց կոնկրետ հիմնավորումներ` ինչու են դրանք սխալ: Նա հիշեցրեց, որ համակարգի ներդրումից անցել է 4 տարի և արդեն կարելի է տեսնել արդյոք բերված փաստարկները հիմա աշխատո՞ւմ են, թե՞ ոչ:
Պարսյանի խոսքով` նրանց բերած առաջին փաստարկն այն էր, որ նախկին կենսաթոշկային համակարգը չէր ապահովում սոցիալական արդարությունը, սակայն ըստ նրա, կուտակային համակարգը միակ կենսաթոշակային համակարգը չէ, որ լուծում է այդ անարդարությունը: Ավելին, ըստ նրա պարտադիր կենսաթոշակային համակարգ ավելի լուրջ անարդարություն է ստեղծում` մինչսերնդային և ներսերնդայինը:
Նրանք նաև պնդում էին` գոյություն ունի ժողովրդագրական խնդիր: «Այս կենսաթոշակային համակարգի ներդրմամբ ժողովրդագրական խնդիրը չի լուծվելու: Զարամանլի է, որ ժողովրդագրական խնդիրը փորձում էին կապել կենսաթոշակային համակարգի հետ: Այս կենսաթոշակային համակարգը բացսական ազդեցություն ունի ժողովրդագրական խդնիրների վրա: Կանայք հետծննդաբերային արձակուրդում գնտվելու տարիների ընթացքում որևիցե կուտակում չեն անում և նրանց երեխա ունենալու և հետծննդաբերական արձակուրդում գտվնելու մոտիվացիան բավականին ցածր է»,-նկատեց նա:
Նրա խոսքով` մյուս կարևոր փաստարկը, որ բերում էին համակարգի հեղինակներն այն է, որ մենք պետք է մեր ժողովրդին պարտադրենք, որ նրանք խնայողություններ իրականացնեն, սակայն փաստը կայանում է նրանում, որ մարդիկ խնայողություն իրականացնելու համար պետք է ունենան եկամուտ: «Եթե քո եկամուտները բարձր չէ, խնայողություների մասին չեն մտածի»,- ասաց նա:
Նրանք նաև մատնանշում էին այն, որ կուտակային միջոցների կառավարիչները հեղինակավոր կազմակերպություններ են և նրանց մուտքը Հայաստան տնտեսությունը կաշխուժացնի: «2018 թվականի հունիսի 1-ի դությամբ այդ ֆոնդերի կառավարիչների ձեռքում գտնվում է136,4 մլրդ գումար և այդ գումարը հիմնականում ներդրել են պետական պարտատոմսերի ավանդների մեջ, մոտ 61%-ը, մի փոքր մասը ներդրել են Հայաստանի ներսում տարբեր կամզմակերպությունների բաժնետոմսերի ձեռք բերման համար, իսկ ամբողջ գումարի 30%-ը` մոտ 40 մլրդ դրամ, Հայաստանից դուրս է եկ...