10 մասնակից, 4 մեդալ, որից 2-ը ոսկե. այսպիսի արդյունքով է Հայաստանի հունահռոմեական ոճի ըմբշամարտի հավաքականը վերադառնում Եվրոպայի 2020թ. առաջնությունից: Ոսկիներից մեկը երեկ՝ փետրվարի 12-ին, նվաճեց օլիմպիական չեմպիոն, աշխարհի եռակի չեմպիոն Արթուր Ալեքսանյանը (97կգ), որի համար սա 5-րդ ոսկին էր Եվրոպայի առաջնություններում: Մյուսը նվաճեց Գեւորգ Ղարիբյանը (60կգ), որի համար սա Եվրոպայի առաջնության առաջին չեմպիոնությունն էր:
Եզրափակչում Ալեքսանյանը հաղթեց Իտալիան ներկայացող ազգությամբ վրացի Նիկոլոզ Կախելաշվիլիին (7-1): Գոտեմարտը նյարդային ստացվեց: Սկզբում մրցավարները պասիվություն տվեցին Ալեքսանյանին, ու մրցակիցը 1 միավոր ստացավ, սակայն այն ավելացնել այդպես էլ չկարողացավ:
Գեւորգ Ղարիբյանը որոշիչ գոտեմարտում պարտության մատնեց թուրք Քերեմ Քամալին (5-5): Ուժեղ մրցակցի դեմ գոտեմարտը բարդ դասավորվեց բարդ ստացվեց, ու Ղարիբյանը հաղթեց համառ պայքարում՝ իր հաշվին չորսմիավորանոց ...