Պետական եկամուտների կոմիտեն հրապարակել է 2021թ. հունվար-դեկտեմբեր ամիսների 1,000 խոշոր հարկ վճարողների կողմից վճարված հարկերի և տուրքերի ցուցանիշները։ Այս մասին «Բիզնես 24»-ին տեղեկացնում են ՊԵԿ-ից։
Հրապարակված ցուցանիշների համաձայն՝ խոշոր հարկ վճարողների ցուցակը գլխավորում է Զանգեզուրի պղնձամոլիբդենային կոմբինատը։ Ընկերության կողմից պետական բյուջե է վճարվել 48.98 մլրդ դրամ՝ 2020թ. համադրելի ցուցանիշի համեմատ արձանագրվել է աճ՝ 13.63%-ով կամ 5.86 մլրդ դրամով։ 2020թ.-ին հունվար-դեկտեմբերին ընկերությունը երրորդն էր։
Երկրորդ տեղում է Գազպրոմ Արմենիան՝ 47.82 մլրդ դրամ հարկ՝ 2020թ. համադրելի ցուցանիշի համեմատ՝ +2.26 մլրդ կամ 4.97%։ 2020թ հունվար-դեկտեմբերին ընկերությունը նույնպես երկրորդն էր։
Երրորդ տեղում է ՀՀ ՊՆ աշխատակազմը՝ 42.66 մլրդ դրամ։ 2020թ. համադրելի ցուցանիշի համեմատ՝ +6.55 մլրդ կամ 18.15%։ 2020թ հունվար-դեկտեմբերին նախարարությունը չորրորդն էր։
Չորրորդ տեղում է Գրանդ Տոբակոն, որը պետբյուջե է վճարել 42.15 մլրդ դրամ հարկ՝ 2020թ. համադրելի ցուցանիշի համեմատ արձանագրվել է անկում՝ 7.64 մլրդ դրամով կամ 15.35%-ով։ 2020թ. հունվար-դեկտեմբերին ընկերությունն առաջատարն էր։
Գեոպրոմայնինգ Գոլդը 5-րդ հորիզանականում է, ընկերությունը բյուջե է մուծել 20.84 մլրդ դրամ հարկ, 2020թ. համադրելի ցուցանիշի համեմատ արձանագրվել է անկում 6.1 մլրդ դրամով կամ 22.64%-ով։ 2020թ. հունվար-դեկտեմբերին ընկերությունը նույնպես 5-րդն էր։
Վեցերորդ տեղում է Ինտերնեյշնլ Մասիս Տաբակը, որը պետբյուջե է վճարել 20.23 մլրդ դրամ հարկ՝ 2020թ. համադրելի ցուցանիշի համեմատ արձանագրվել է աճ՝ 1.94 մլրդ դրամով կամ 10.59%-ով։ 2020թ. հունվար-դեկտեմբերին ընկերությունը 6-րդն էր։
Յոթերորդ տեղում է ՍիՓիԷս Օիլը՝ 18.14 մլրդ դրամով և արձանագրած 0.08 մլրդ կամ 0.45% աճով։ 2020թ. հունվար-դեկտեմբերին ընկերությունը 7-րդն էր։
ՄՏՍ Հայաստան 8-րդ հորիզանականում է, ընկերությունը բյուջե է մուծել 15.71 մլրդ դրամ հարկ, 2020թ. համադրելի ցուցանիշի համեմատ արձանագրվել է աճ 2.76 մլրդ դրամով կամ 21.35%-ով։ 2020թ. հունվար-դեկտեմբերին ընկերությունը 12-րդն էր։
Ֆլեշն 9-րդն է՝ 15.48 մլրդ դրամ՝ -0.54 մլրդ դրամ կամ -3.39%։ 2020թ. հունվար-դեկտեմբերին ընկերությունը ցուցակի 9-րդ հորիզոնականում էր։
