Ազգային ժողովի աշխատակազմի նախկին ղեկավար Արա Սաղաթելյանն ազատ արձակվեց: Վերաքննիչ դատարանը բավարարեց նրա պաշտպանների առաջին ատյանի կալանավորման որոշման դեմ բողոքը։
«Ես կարող եմ միանշանակ պնդել, որ այս ամբողջ գործընթացը քաղաքական գործընթաց է, որ այս ամբողջ գործընթացը կազմակերպված, նպատակուղղված է երկրի իշխանության կողմից», - լրագրողների հետ զրույցում հայտարարեց նա:
Արա Սաղաթելյանը կալանավորվել էր փետրվարի 21-ին, նա մեղադրվում է մի խումբ այլ անձանց հետ Ֆեյսբուքում «Գագիկ Սողոմոնյան» կեղծ էջը ստեղծելու և կառավարելու համար։ Այդ էջը հայհոյախառն ու գռեհիկ արտահայտություններով վիրավորում է գործող իշխանություններին։
Գործով մեղադրյալի կարգավիճակ ունեն երեք այլ անձինք, այդ թվում` «Քառյակ մեդիայի» համահիմնադիր Կարեն Բեքարյանը:
Սաղաթելյանն այսօր պնդեց, թե կապ չունի այդ կեղծ էջի հետ. «Ես ձեզ ասում եմ շատ ազնիվ, կյանքում Գագիկ Սողոմոնյան կարդացել եմ 4 անգամ` մինչև նստելս սաղ կյանքում»:
Գագիկ Սողոմոնյանի էջում այս գործով մեղադրվող 4 անձանց կալանավորումից հետո էլ շարունակում են ամենօրյա գրառումներ հայտնվել։ Ըստ ԱԱԾ-ի` ֆեյք էջը կառավարողները պլանավորել են խմբի անդամներից մեկի բացահայտվելուց հետո շարունակել գրառումներ անել։
Մեկ տարի առաջ «Հայկական ժամանակը» գրել էր...