Yerkir.am-ը ներկայացնում է ականավոր ճարտարապետ Ռաֆայել Իսրայելյանի (Սարդարապատի հերոսամարտի հուշահամալիր, «Չարենցի կամար», «Հաղթանակ» զբոսայգու մուտքի կամար և այլն) «Իմ մորուքի պատմությունը» գրքից մի հատված, որը հրատարակվել է 1961 թվականին «Սովետական գրող» հրատարակչության կողմից:
Հիսուն տարի է անցել այն օրից, երբ առաջին անգամ լսեցի «Հայաստան» անունը: 1915 թվականին էր… Մի սովորական օր էր, երբ այդ անունը մխրճվեց մանկական ուղեղիս մեջ: Այդ առավոտ, երբ մեր տուն բերին օրվա լրագիրը, զարմացած նկատեցի նրա արտասովոր գույնը:
Բոլոր էջերը կարմիր տառերով էին տպված:
Հայրս իմ հարցին պատասխանեց, թե Հայաստանը ողովել է արյամբ, լրագիրն էլ այդ բոթն արյան գույնով է տպել:
«Հայաստա՛ն», «կոտորա՛ծ», «ավերո՛ւմ»`այս բառերը հիշեցի:
Երբ քիչ մեծացա, իմացա, որ մեր ժողովրդի պատմությունը ավերումների պատմություն է եղել: Ա...