Դեկտեմբերի 9-ի արտահերթ խորհրդարանական ընտրությունները ամենամոտն են ժողովրդավարական, ազատ և արդար ընտրություններին, արձանագրում են տեղական դիտորդական կազմակերպությունները, ընդգծելով՝ ընտրություններն, ընդհանուր առմամբ, անցել են խաղաղ և եղել են օրենքին համահունչ։
Այս անգամ ևս, ինչպես Երևանի ավագանու ընտրություններում, չեն եղել համակարգված, զանգվածային ընտրական հանցագործությունները, կեղծարարության դեպքեր չեն նկատել, ասում է «Ականատես» դիտորդական առաքելության ներկայացուցիչ Լևոն Բարսեղյանը։
«Ընտրակաշառք, կուտակումներ տեղամասերի առաջ, ուղղորդումներ, մարդկանց տանել-բերել, վարչական ռեսուրսի ուժով ճնշել ընտրողների վրա, պարտադրել և իրավապահ մարմինների աշխատանքի անգործություն կամ համակարգային անգործություն այս անգամ չենք նկատել, ինչը ահռելի ծավալներ է ունեցել և արձանագրվել է մեր նախկինում ունեցած «Քաղաքացի դիտորդ» և ուրիշ առաքելությունների ժամանակ դիտարկած համապետական ընտրությունների ժամանակ։ Ահռելի ծավալի զանգեր ենք ունեցել նախկինում, շունչ քաշելու րոպե չեն ունեցել մեր օպերատորները և իրավաբանները: Այս անգամ, ինչպես և Երևանի ավագանու ընտրությունների ժամանակ, կարող եմ ասել, որ...