Մեծ Բրիտանիայի Քենթ կոմսության Մարգիթ քաղաքի բնակչուհի Ռիմա Թեյսենը երկու երեխա լույս աշխարհ բերելուց հետո զրկվել է մարմնի ու գլխի բոլոր մազերից: Այս մասին գրում է The Sun-ը:
Առաջին անգամ կինը բախվել է մազաթափության խնդրին 2016-ին, երբ ծնվել է նրա առաջին երեխան: Մազերը սկսել են թափվել ծննդաբերությունից մոտ 6 ամիս անց: Շուտով, սակայն, մազաթափությունը դադարել է: 2017-ի սեպտեմբերին Թեյսենը լույս աշխարհ է բերել իր երկրորդ երեխային, և ահա այդ ժամանակ վիճակը կտրուկ վատացել է: 2018-ի օգոստոսի դրությամբ 37-ամյա կինն արդեն հրաժեշտ էր տվել մարմնի վերջին մազերին:
Բրիտանուհին կարդացել էր համացանցում, որ նման բան պատահում է հետծննդաբերական շրջանում, սակայն սովորաբար մազաթափությունն անցնում է մի քանի ամիս անց: Սակայն երկրորդ երեխայի ծննդից հետո Թեյսենի մազերը սկսել են թափվել մեծ արագությամբ: Բրիտանուհին դիմել է թերապևտի, բայց վերջինս լուրջ չի վերաբերվել կնոջ գանգատներին:
2018-ի մայիսին նա որոշել է սափրել գլխի մազերի վերջին մնացորդներն ու նվիրաբերել դրանք քաղցկեղից տառապող...