Թուրքիան խորացնում է անջրպետը իր ու համամարդկային արժեքների միջև. Չեխիայում ՀՀ դեսպան

Թուրքիան դիմում է արդարության ժխտման հերթական քայլին՝ դրանով խորացնելով անջրպետը իր ու համամարդկային արժեքների միջև։ Այս մասին նշել է Չեխիայում ՀՀ դեսպան Աշոտ Հովակիմյանը՝ Չեխիայի Խորհրդարանի Սենատի կողմից Հայոց ցեղասպանությանն առնչվող բանաձևի վերաբերյալ Թուրքիայի ԱԳՆ հայտարարության վերաբերյալ մեկնաբանության մեջ։

Ներկայացնում ենք դեսպանության հրապարակած մեկնաբանությունը.

«Սա Թուրքիայի պաշտոնական առաջին և վերջին արձագանքը չէ Հայոց ցեղասպանության միջազգային ճանաչմանը: Թուրքիան դիմում է արդարության ժխտման հերթական քայլին՝ դրանով խորացնելով անջրպետը իր ու համամարդկային արժեքների միջև։ Ժխտողականությունն ապագա չունի՝ ինչպիսի փաթեթավորում էլ որ այն ունենա: Որքան Թուրքիայի իշխանությունները ջանք են թափում ժխտելու ճշմարտությունը, այնքան ճշմարտությունը հարթում է իր ճանապարհը և դառնում հասարակական գիտելիք:

Պրահայի ամենահայտնի Կարլի կամուջի վրա է տեղակայված 1714թ․-ին քանդակագործ Ֆերդինանդ Մ...