Tert.am-ը գրում է. Մարդը չի հասկացել, որ մեծությամբ երրորդ քաղաքի ղեկը ստանձնելը ոչ միայն աթոռ է ու ծառայողական մեքենա, այլ նաև մեծ պատասսխանատվություն, էդ մարդը պետք է հոգար հոգսերը: Այս մասին լրագրողների հետ զրույցում ասաց «Մամիկոն Ասլանյան» դաշինքի կողմից առաջդրված Վանաձորի քաղաքապետի թեկնածու, նախկին քաղաքապետ Մամիկոն Ասլանյանը՝ անդրադառնալով ՔՊ-ի թեկնածուի իր հասցենին հնչեցրած քննադատություններին։
Նա վստահեցրեց, որ ինքը լավ ժառանգություն է թողել։ «Ես երկու ամիս է Վանաձոր համայնքի ղեկավար չեմ, ինչքան մարդը պետք է բարոյական արժեքներից զուրկ լինի, որ հոկտեմբերի 12-ից քաղաքապետ չեղած մարդուն, այսինքն ինձ մեղադրեն առկա խնդիրների համար, իսկ իրենց կողմից նշանակած, այժմ անունն անգամ հանրությանը հայտնի չդարձած անձը, որն այսօր ԺՊ-ն է, մեղավոր չէ»,-ասաց նա:
Մամիկոն Ասլանյանի խոսքով՝ անհեթեթ են պնդումները, թե թե քաղաքին սպասարկող «Կամազն» անսարք է, երբ չեն էլ պարզել, թե խնդիրն ինչից է, տեխնի...