PanARMENIAN.Net - ՌԴ ԱԳ նախարար Սերգեյ Լավրովը Մոսկվայում ՀՀ ԱԳ նախարար Արարատ Միրզոյանի հետ հանդիպման ժամանակ հայտարարել է, որ Հայաստանի, Ռուսաստանի և Ադրբեջանի ղեկավարների եռակողմ հայտարարությունները շարունակում են մնալ տարածաշրջանում իրավիճակի կայունացման բանալին:
Նա նշել է, որ «առաջնահերթ խնդիրներից մեկը» Լաչինի միջանցքի և ընդհանուր առմամբ Ղարաբաղի շուրջ ստեղծված իրավիճակի կարգավորումն է։ Նա հավելել է, որ ռուսական կողմը պատրաստ է, ինչպես և գրանցված է համապատասխան եռակողմ հայտարարություններում, «համակողմանի աջակցություն ցուցաբերել տրանսպորտային հաղորդակցությունների ապաշրջափակմանը, հայ-ադրբեջանական սահմանի սահմանազատմանը և խաղաղության պայմանագրի պարամետրերի համաձայնեցմանը», գրում է ՏԱՍՍ-ը։
Լավրովը նաև նշել է, որ երկու երկրի ղեկավարների միջև շարունակվում է «ինտենսիվ քաղաքական երկխոսությունը, այդ թվում խաղաղարար միջոցառումների շրջանակում, որոնք իրականացվում են ԵԱՏՄ, ՀԱՊԿ, ԱՊՀ գծով»։
ՄԱԿ-ի Արդարադատության (Հաագայի) միջազգային դատարանը պահանջել է Ադրբեջանից ապահովել անխափան տեղաշարժը Լաչինի միջանցքով՝ մասամբ բավարարելով Ադրբեջանի դեմ միջանկյալ միջոց կիրառելու Հայաստանի դիմումը։ Դատարա...