Իրանի Իսլամական Հանրապետության արտաքին գերատեսչության ղեկավար Մոհամադ Ջավադ Զարիֆը տարածաշրջանային այց է կատարում: Առաջին կանգառը Բաքվում է:
"Интерфакс-Азербайджан" լրատվական գործակալության փոխանցմամբ` Զարիֆին կընդունեն Ադրբեջանի բարձրաստիճան պաշտոնյաները, այդ թվում փոխվարչապետ Շահին Մուստաֆաևն ու արտգործնախարար Ջեյհուն Բայրամովը:
Բանակցությունների ընթացում կողմերը քննարկելու են տարածաշրջանում տնտեսական համագործակցության հեռանկարը, ղարաբաղյան խնդիրը և Իրանի համագործակցությունը տարածաշրջանի վեց երկրների ձևաչափով ստեղծվելիք պլատֆորմի շրջանակներում:
Զարիֆը կանդրադառնա պատերազմից հետո ադրբեջանական կողմի հսկողության տակ հայտնված տարածքների տնտեսական վերականգնման աշխատանքներին իրանական ընկերությունների մասնակցության հնարավորությանը:
Ադրբեջանից Զարիֆը կմեկնի Ռուսաստան, Վրաստան, Հայաստան և վերջում էլ՝ Թուրքիա:
Իրանի արտաքին գերատեսչության մամլո վարչության ղեկավար Սաիդ Խաթիբզադեն ասել է, որ Մոհամադ Ջավադ Զարիֆի ղեկավարած պատվիրակությունը հարևան հինգ երկրներում կքննարկի երկկողմ հարաբերություններն ու տարածաշրջանի ընդհանուր կացությունը:
«Օրակարգում Կովկասի իրավիճակ...
