Ընդհանրապես վարչապետի և նախարարի միջև չի կարող հակասություն լինել: Այս մասին պարետատան նիստից հետո կայացած ճեպազրույցի ընթացքում ասաց ՀՀ վարչապետ Նիկոլ Փաշինյանը՝ պատասխանելով հարցին, թե արդյոք այս ընթացքում հակասություններ եղել են վարչապետի և առողջապահության նախարարի միջև:
«Վարչապետը լսում է բոլորին, կայացնում է որոշում և այդ որոշումը պարտադիր է բոլոր պաշտոնյաների համար, որոնք պարտավոր են ենթարկվել վարչապետի որոշումներին:
Ընդհանուր առմամբ մեզ մոտ քննարկումները բուռն են, բազմազան են, բոլորն իրենց տեսակետն արտահայտելու հնարավորություն ունենում են, այդ բանավեճում է, որ փորձում ենք գտնել ամենաօպտիմալ լուծումները»:
Անդրադառնալով հայտարարությունների հակասություններին, Փաշինյանն արձագանքեց. «Ինչ վերաբերում է տեսակետների տարբերություններին, դա կարող է կախված լինել մի քանի հանգամանքի հետ: Օրինակ՝ առողջապահության նխարարը լինելով առողջապահության ուղղության պատասխանատուն ինքն առավելապես հարցերը դիտարկում է զուտ առողջապահական տեսակետից, ինչը իր աշխատանքն ու պարտականությո...