Գլխավոր դատախազության հանձնարարությամբ ՀՀ ոստիկանության ԿՀԴՊ ԳՎ կոռուպցիայի և տնտեսական գործունեության դեմ ուղղված հանցագործությունների հակազդման վարչությունում նախապատրաստված նյութերով տվյալներ են ձեռք
բերվել «Հայապակի» ՓԲ ընկերության օտարման, սնանկության գործընթացը հանցավոր սխեմաների և մեքենայությունների միջոցով իրականացնելու,
խաբեությամբ ընկերության գույքը հափշտակելու վերաբերյալ:
«Հայապակի» ընկերության գույքը խաբեությամբ առանձնապես խոշոր չափերով հափշտակելու, սնանկության ընթացքում անօրինական գործողություններ կատարելու, խաբեության եղանակով առանձնապես խոշոր չափերով գույք հափշտակելուն օժանդակելու, կեղծ փաստաթուղթ պատրաստելու և օգտագործելու առերևույթ հանցագործությունների դեպքերի առթիվ ՀՀ ոստիկանության ԿՀԴՊ գլխավոր վարչությունում հարուցվել է քրեական գործ:
Դատախազության կողմից քրեական գործն ուղարկվել է Քննչական կոմիտե՝ նախաքննութուն կատարելու հանձնարարությամբ:
Ըստ դատախազության տարածած հաղորդագրության, ոստիկանության ԿՀԴՊ ԳՎ աշխատակիցների կողմից իրականացված համակարգված հսկայածավալ և արդյունավետ օպերատիվ-հետախուզական աշխատանքների արդյունքում պարզվել է, որ կառավարության 2001 թվականի փետրվարի 7-ի թիվ 90 որոշմամբ 717 մլն դրամ արժողությամբ կանոնադրական կապիտալ ունեցող «Հայապակի» ՓԲԸ-ի՝ մոտ 574 մլն դրամ արժողությամբ 80 տոկոս պետական սեփականության բաժնետոմսերն ուղղակի վաճառքով, ընդամենը 145մլն դրամով, օտարվել են Ն.Ա.-ին՝ 3 տարվա ընթացքում 250 մլն դրամի ներդրումներ կատարելու և որպես սոցիալական երաշխիք՝ 700 աշխատատեղ ապահովելու պարտադիր պայմանով:
Սակայն Ն. Ա.-ն, ընկերության գույքին առերևույթ խաբեությամբ տիրանալու նախնական դիտավորությամբ, չի կատարել պայմանագրային
պարտավորությունները: Ավելին՝ իր կողմից նշանակված տնօրենի միջոցով «Հայբյուրեղապակի» ԲԲԸ-ի վերածված ընկերությունը կառավարվել է
անարդյունավետ, դիտավորյալ չեն կատարվել հարկային և այլ պարտավորությունները, ինչի հետևանքով դատարանի թվականի դեկտեմբերի 29-ի վճռով ընկերությունը սնանկ է ճանաչվել:
Ապա դատարանի կողմից նշանակված սնանկության գործով կառավարիչը լուծարային
գործընթացում, առանց ընկերությունն առողջացնելուն ուղղված միջոցառումների
ձեռնարկման, անօրինական գործողություններով, ակնհայտ անշահավետ պայմանագիր կնքելո...