Սևանում մեկնարկել է Sevan Startup Summit վրանային բիզնես-ֆորումը: Իր ձևաչափով Sevan Startup Summit-ը եզակի է տարածաշրջանում, քանի որ ստարտափների համար նախատեսված առաջին ոչ ֆորմալ միջոցառումն է: Բացի այդ, Sevan Startup Summit-ն իր ձևաչափով առաջինն է աշխարհում:
Բիզնես մակարդակում գտնվող ստարտափները հնարավորություն կունենան ներկայացնել իրենց գաղափարը վենչուրային ընկերությունների ներկայացուցիչներին և բիզնես-հրեշտակներին՝ տարածաշրջանում առաջին անգամ անցկացվող Camp Fire Pitch-ի ժամանակ;
Campathon-ի ընթացքում թիմերը կներկայացնեն իրենց ծրագրային լուծումները՝ հնարավորություն ունենալով շահել գրանտներ:
Սաղմնային փուլում գտնվող ստարտափները հնարավորություն կունենան մասնակցել երկու պայքարի՝ Idea Battle և Big Battle:
Ընդհանուր մրցանակային ֆոնդը կազմում է $40.000, որը կբաշխվի 15 թիմերի միջև։ Սպասվում է նաև մոտ $200.000-ի ներդրումներ հրավիրված ներդրողների կողմից։
«Սևան Ստարտափ Սամմիթ 2017» նախագծի ղեկավար Վահագն Ռափյանը նշել է, որ ճամբարին դիմողների թիվը հասնում է մոտ 3000-ի, որը բավականին պարտավորեցնող թիվ է։
«Ընտրություն կայացնելը շատ բարդ էր և այդ իսկ պատճառով, չնայած նախօրոք հայտարարված 70 ստարտափներին, սամմիթի հրավեր ստացել են ավելի շատ թիմեր»:
Ըստ Sevan Startup Summit պաշտոնական կայքի տվյալների՝ վրանային ճամբարին մասնակցում է տարբեր ոլորտներ ներկայացնող 92 թիմ:
Սա արդեն երկրորդ բիզնես-ֆորումն է Հայաստանում: Այս տարվա սամմիթի նշանաբանն է՝ «Connect», «Learn», «Win» և «Have Fun»: Սամմիթի կարևոր միջոցառումներից մեկը «Camp Fire Pitch»-ն է, որը համապատասխանում է «Connect» կարգախոսին։ Միջոցառումը նման է «Shark Tank» ֆորմատի հաղորդումներին, որտեղ ստարտափները ներկայացնում են իրենց «pitch»-երը ներդրողներին։
Բիզնես-ֆորումի...
