Արդարադատության նախարար, Հանրապետական կուսակցության անդամ Դավիթ Հարությունյանը դատապարտում է անցյալ շաբաթ Երևանի ավագանու նիստի ժամանակ տեղի ունեցածը:
«Դատապարտում եմ ցանկացած ոչ-բարեկիրթ, մեր մշակույթին անհարիր գործողություններ, որոնք, ցավոք սրտի, տվյալ պարագայում տեղի են ունեցել երկու կողմերից: Ես կարծում եմ, այո՛, երկու կողմերն էլ չպետք է իրենց այդպես պահեին», - լրագրողների հետ հանդիպմանն այսօր հայտարարեց Հարությունյանը:
Արդարադատության նախարարը ընդունում է, որ Նուբարաշենում ստեղծված իրավիճակի համար պատասխանատու էր նաև Արդարադատության նախարարությունը, որի կազմում է գտնվում արդեն 5 տարի վթարված կոյուղի ունեցող «Նուբարաշեն» քրեակատարողական հիմնարկը․ - «Մենք պատասխանատու ենք յուրաքանչյուր թերության համար։ Ինչ վերաբերում է «Նուբարաշենի» կոյուղուն, սա ևս համարել ենք առաջնահերթ խնդիր, և դա է եղել պատճառը, որ 2017 թվականին մենք պատվիրել ենք նախագիծը՝ ինչպես այն պետք է վերականգնվի, և պատրաստվում ենք այն վերականգնել 201...