Արփինե Իսրայելյանը Նոր տարվան ընդառաջ տարբերվող նոր կերպարով է հանդես եկել: Դերասանուհին BRAVO.am-ին է տրամադրել ֆոտոշարքը, ամփոփել 2019 թվականը, նաեւ պատմել, թե երբ են տղայի հետ զարդարելու իրենց տան տոնածառը:«Կերպարի մտահղացումը դիմահարդար Չինար Ալեքսանյանինն ու վարսահարդար Գոռ Գեւորգյանինն է: Ցանկացել ենք ստանալ ձմռան թեմատիկայով ստանդարտից դուրս, ինչ-որ տեղ նաեւ ռետրո ոճի կերպար: Ամեն ինչ էլ կարելի է ստանալ, երբ աշխատում ես իրենց գործը սիրող եւ կատարելության ձգտող պրոֆեսիոնալների հետ, ովքեր գնահատում են արվեստը»,-ֆոտոշարքի մասին խոսելիս նշել է նա:
Արփինեի զբաղվածությունն այս շրջանում այնքան էլ մեծ չէ.«Այժմ ավելի շատ ժամանակ եմ անցկացնում որդուս հետ, ով, ի դեպ, ներկա էր լուսանկարահանմանը, եւ ընթացքում իր հավանությունն էր տալիս լուսանկարները նայելիս: Մոտ օրերս պատրաստվում ենք, ավանդույթի համաձայն, նրա հետ զարդարել տոնածառը: Նոր տարին իմ ամենասիրելի տոնն է, եւ այդ տոնը հիշեցնող ցանկացած մանրուք երջանկության զգացում է պարգեւում, առավել եւս, երբ ամեն օր Դավիթից լսում եմ ոգեւորված արտահայտություններ ձմռան, ձյան եւ Ամանորի հետ կապված»:
Մհեր Մկրտչյանի անվան արտիստական թատրոնի «Մոխրոտիկը» ներկայացման մեջ դերասանու...