ՀՀ արտաքին գործերի նախարար Զոհրաբ Մնացականյանն ու Նիդերլանդների Թագավորության արտաքին գործերի նախարար Ստեֆ Բլոկը Երևանում կայացած հանդիպմանն անդրադարձել են Լեռնային Ղարաբաղի խնդրի խաղաղ կարգավորման գործընթացին: Այս մասին նշեց ՀՀ ԱԳ նախարար Զոհրաբ Մնացականյանը:
«Գործընկերոջս տեղեկացրի խաղաղ գործընթացի շուրջ վերջին զարգացումների մասին: Այս համատեքստում ցանկանում եմ կարևորել ԵՄ-ի առաջատար երկրներից մեկի՝ Նիդերլանդների հավասարակշռված դիրքորոշումը՝ հաջակցություն ԵԱՀԿ Մինսկի խմբի համանախագահության ձևաչափում հիմնահարցի բացառապես խաղաղ հանգուցալուծմանը»,-ասաց Զոհրաբ Մնացականյանը:
Լրագրողները հետաքրքրվեցին, թե ինչ տեղեկություններ կան այն մասին, որ բանակցություններ են վարվում, որպեսզի Արցախում անազատության մեջ գտնվող ադրբեջանցիների և Ադրբեջանում գերեվարված պատանդների հարազատները կարողանան փ...