«Քույրս»՝ այսպես է կոչվում Սարգիս Եղիազարյանի նոր երգը, որի հիման վրա նկարահանված տեսահոլովակի պրեմիերան նախատեսված է մարտի 8-ին: Երգչի նոր աշխատանքի մանրամասները BRAVO.am-ին է փոխանցել նրա պրոդյուսեր Սյոմա Կոդաբաշյանը:«Սովորաբար, երբ կան տարբեր երգեր, նստում եւ որոշում ենք՝ որի հիման վրա տեսահոլովակ նկարահանել: Ի սկզբանե որոշված էր, որ այս երգը պետք է տեսահոլովակով հանձնվի հանդիսատեսի դատին: Բնականաբար, պանդեմիայով եւ պատերազմով պայմանավորված՝ ընթացքը մի քիչ երկարեց»,- նշել է Սյոման:
Տեսահոլովակի ռեժիսորը Եղիշե Սողոմոնյանն է: Երգի երաժշտությունը գրել է Սարգիս Եղիազարյանը, խոսքերը՝ Անահիտ Մխիթարյանը:
«Նկարահանումը տեւել է մեկ օր՝ մինչեւ լուսաբաց: Առանձին նկարահանվել են Սարգսի տեսարաններն ու ներկայացվող պատմությունը: Դերասանները հմուտ են, ինչի շնորհիվ կարողացանք արագ աշխատել»,-ասել է պրոդյուսերը:
Ներկայացվելու է երկու եղբայրների եւ նրանց փոքր քրոջ պատմությունը. միասին մե...