Հայաստանի ֆուտբոլի ազգային հավաքականի ավագ Հենրիխ Մխիթարյանը գոլային փոխանցումով աչքի ընկավ «Ռոմայի» հերթական հանդիպման ընթացքում: Երեկ՝ հուլիսի 29-ին, Իտալիայի Ա Սերիայի 2019-20 մրցաշրջանի 37-րդ տուրի «Տորինոյի» դեմ խաղում նա օգնեց մրցակցի դարպասը գրավել Էդին Ջեկոյին: Վերջինս հաջողոթյան հասավ 16-րդ րոպեին:
Մխիթարյանի համար, որը խաղադաշտ էր դուրս եկել մեկնարկային կազմում ու փոխարինվեց հանդիպման 92-րդ րոպեին, սա գոլային 6-րդ փոխանցումն էր հռոմեական թիմի կազմում: Նա նաեւ 9 գոլ է խփել:
Երեկ մինչեւ Ջեկոյի գոլը հաշիվը բացել էր «Տորինոն»: Իր թիմին առաջ էր մղել Ալեքս Բերենգերը: Ջեկոյի պատասխան գնդակից հետո «գայլերի» կազմում 23-րդ րոպեին գոլ խփեց Քրիս Սմոլինգը, 61-րդ րոպեին էլ Ամադու Դիավարան 11-մետրանոցից հաշիվը դարձրեց 3:1: «Տորինոն» 2 րոպե անց կրճատեց հաշվի տարբերությունը: Այլ գոլեր չգրանցվեցին: «Ռոման» հաղթեց 3:2 հաշվով: Միավորների քանակը հասցրեց 67-ի ու ապահովեց Եվրոպա լիգայի 2020-21 մրցաշր...