Դեպի վեր

«Խորհրդարանը հապաղել է իր որոշումներում»․ Լիլիթ Մակունցը՝ ՍԴ ճգնաժամից ելքերի մասին

azatutyun.am09/11/2019, 5:06

«Խորհրդարանը հապաղել է իր որոշումներում»․ Լիլիթ Մակունցը՝ ՍԴ ճգնաժամից ելքերի մասին

Իշխանությունը թեև ամիսներ առաջ է հայտարարել Սահմանադրական դատարանում ստեղծված ճգնաժամի և այդ ճգնաժամից ելքեր գտնելու մասին, սակայն դրանք դեռ չեն ուրվագծվում: Իշխող «Իմ քայլը» խմբակցությունում փոխհամաձայնության չեն կարողանում գալ բազմակարծության պատճառով: Խմբակցության ղեկավար Լիլիթ Մակունցը խոստովանում է՝ այս հարցում խորհրդարանը հապաղել է:

«Գուցե որոշ դեպքերում օբյեկտիվ պատճառներով կամ կարող է պատճառները տարբեր լինեն, Ազգային ժողովը որոշ չափով հապաղել է իր որոշումներում, դրանք կարող են պայմանավորված լինեն տարբեր պատճառներով։ Երբ մենք խոսում ենք խմբակցությունում գոյություն ունեցող բազմակարծության մասին և տեսակետների տարբերության մասին, դա նշանակում է, որ այդ բոլոր տեսակետները քննարկվում են և ի վերջո կոնսենսուսով կամ ձայների մեծամասնությամբ նոր գալիս ենք որոշակի համաձայնության։ Այս գործընթացը երբեմն տևում է ավելի երկար քան մենք կցանկանայինք», - նշեց Լիլիթ Մակունցը։

Սահմանադրական դատարանի դատավոր Վահե Գրիգորյանի՝ ՍԴ-ում ստեղծված իրավիճակից դուրս գալու ճանապարհների վերաբերյալ նամակը ստանալուց հետո դեռևս հունիսին խորհրդարանի ղեկավար Արարատ Միրզոյանը վստահեցրեց, թե քննարկումներ է սկսելու ճգնաժամը կոնսենսուսով հանգուցալուծելու ուղղությամբ: ՍԴ-ում ճգնաժամը Վահե Գրիգորյանը հիմնավորել էր կազմի ոչ լեգիտիմությամբ:

Ավելի ուշ վարչապետ Նիկոլ Փաշինյանն «Ազատության» հետ հարցազրույցում ժամկետներ նշեց: Հայաստանը 2019-ին պետք է ունենա 2019-ին հարիր Սահմանադրական դատարան: Արձակուրդից վերադարձած իշխանական պատգամավորներն էլ հարցի լուծումը այս ժամկետում են պատկերացնում, թե ինչպես՝ դեռ հստակ չէ:

«Մենք չենք հրաժարվում որպես առաջնային մանդատ կրողներ, իհարկե և նորից եմ ուզում ընդգծել՝ մեր լիազորությունների շրջանակում անում ենք ու անելու ենք ամեն ինչ, այո, մենք գնալու ենք օրենսդրական լուծումների ճանապարհով, այո, չենք գերազանցելու Ազգային ժողովի, օրենսդիր մարմնի լիազորությունները», - ընդգծեց «Իմ քայլը» խմբակցության ղեկավարը։

Ազգային ժողովի պետաիրավական հարցերի մշտական հանձնաժողովի նախագահ Վլադիմիր Վարդանյանը խոստովանում է՝ ճգնաժամն ավելի է խորանում, հասարակության վստահությունը դատարանի նկատմամբ անկում է ապրում: Այս հարցում Ազգային ժողովի իշխող մեծամասնության անգործությանն ուղղված մեղադրանքները չի ընդունում: 3-րդ նստաշրջանն այս շաբաթ է մեկնարկել օրակարգն այլ հարցերով խիստ հագեցած է:

«Այն որ ճգնաժամը առկա է, միանշանակ է, այն որ լուծումը պետք է ունենա իրավաքաղաքական բաղադրատարրեր, սա էլ է միանշանակ, բայց մենք պետք է հնարավորինս անենք այնպես, որպեսզի չշեղվենք Ազգային ժողովի լիազորություններից։ Մենք թույլ չենք տա, որպեսզի Ազգային ժողովը իր վրա վերցնի այնպիսի լիազորություններ, որոնք կարող են իրավական պետությունը որոշակի առումով կասկածի տակ դնել», - ասաց Վարդանյանը։

ՍԴ-ում ստեղծված իրավիճակի վերաբերյալ հստակ է «Իմ քայլից» Նիկոլայ Բաղդասարյանի դիրքորոշումը: Պնդում է՝ խորհրդարանը պետք է քաղաքական հայտարարությամբ գնահատական տա ստեղծված իրավիճակին: Իսկ ՍԴ գործող կազմը լուծարելու և նորը ձևավորելու ճանապարհների մասին լռում է:

«Առաջին քայլը կարծում եմ, որ գնահատականն է տալը, թե դա կանի Ազգային ժողովը, քաղաքական վերնախավը կամ կառավարությունը կամ «Իմ քայլը» դաշինքի քաղաքական ուժի ներկայացուցիչը, դա այլ հարց է, բայց կարծում եմ, որ քաղաքական գնահատական պետք է տրվի», - նշեց Նիկոլայ Բաղդասարյանը։

Իշխող մեծամասնությանն ուղղված մեղադրանքներից ոչ պակաս վիրավորված է պատգամավոր Սուրեն Գրիգորյանը: Ասում է՝ արձակուրդն օրենքի պահանջով էր, այդ ընթացքում էլ անգործ չեն նստել: Պարզապես...

Կարդալ ամբողջովին

Եղանակ

Ջերմ {{currentData.temp}}℃
Քամի {{currentData.wind}}կմ/ժ
Խոնավ {{currentData.humidity}}
  • Երեւան
  • Աբովյան
  • Ծաղկաձոր
  • Սեւան
  • Գյումրի
  • Էջմիածին
  • Դիլիջան
  • Վանաձոր
  • Աշտարակ
7 օրվա տեսություն

Փոխարժեքներ

ԱռքՎաճառք
USD475.5477.5
EUR524528
RUR7.47.47
ավելին
Արդեն հասանելի է
Դեպի վեր