Ազգային ժողովն այսօր քվեների 57 կողմ, 35 դեմ, 3 ձեռնպահ հարաբերակցությամբ երկրորդ ընթերցմամբ և ամբողջությամբ ընդունեց ճանապարհային երթևեկության կանոնակարգման բալային համակարգի ներդրման օրենսդրական փաթեթը:
Վարչական իրավախախտումների վերաբերյալ օրենսգրքում փոփոխությունների և լրացումների ու կից օրինագծերի փաթեթը, որը կառավարությունն էր մշակել, նախատեսում է տրանսպորտային միջոց վարելու իրավունք ունեցող անձին վարորդական վկայական տալու օրվանից մեկ տարի ժամկետով 9 միավոր տալ։ Խախտում արձանագրելու դեպքում միավորներ են հանվում։
Այսպես, ՃՈ-ն վարորդներին տալիս է 9 միավոր, խախտումների դեպքում դրանք հանվում են, միավորների քանակը կախված է վարչական իրավախախտման հանրային վնասակարության աստիճանից, քանակից, զոհերով և վիրավորներով ճանապարհատրանսպորտային պատահարների պատճառ կամ նպաստող պայման հանդիսանալու հանգամանքից։ Ըստ այդմ՝ տուգանային միավորներն են 0,5, 1, 2, 3 կամ 4, եթե վարորդը խախտումներ կատարի պարբերաբար, այսինքն՝ մեկ տարվա ընթացքում 3 և ավելի անգամ, և դրանց համար կիրառված տուգանային միավորները կազմեն 9, կկասեցվի նրա վարելու իրավունքը 6 ամիս ժամկ...