Կառավարության հետ հարցուպատասխանի ընթացքում «Բարգավաճ Հայաստան» խմբակցության պատգամավոր Արթուր Դալլաքյանը հիշեցրեց վարչապետ Նիկոլ Փաշինյանի «Արցախը Հայաստան է և վերջ» արտահայտությունը, ապա հետաքրքրվեց՝ շարունակու՞մ է վարչապետը այդ դիրքորոշումն ունենալ, թե ոչ։
Փաշինյանն էլ նշեց, որ այդպիսով արտահայտել է հայկական դիրքորոշումը արցախյան հարցի շուրջ։ «Ինչպես ասել եմ նաև հունվարի 11-ին Մոսկվայում, Ղարաբաղի հետագա կարգավիճակի ճշգրտումը բանակցային կարևորագույն հարցերից մեկն է, և այդ հարցի քննարկումը, ճշգրտումը պետք է տեղի ունենա ԵԱՀԿ Մինսկի խմբի համանախագահության շրջանակում։ Ուրախ եմ, որ ԵԱՀԿ Մինսկի խմբի համանախագահ երկրները, ըստ էության, կիսում են այդ դիրքորոշումը և Ռուսաստանի Դաշնության արտաքին գործերի նախարարի վերջին հայտարարությունը նույն...
