Ռուսաստանում բացել են Թուրքիա թռիչքների վերաբերյալ թեժ գիծ

Ռոստուրիզմը զբոսաշրջիկների համար «թեժ գիծ» Է գործարկել այն հարցերի վերաբերյալ, որոնք կապված են Թուրքիա եւ Տանզանիա սահմանափակ թռիչքների հետ: Այդ մասին ասվում Է գերատեսչության հաղորդագրության մեջ, տեղեկացնում Է «Արմենպրես»-ը: «Ռոստուրիզմը «թեժ գիծ» Է գործարկել զբոսաշրջիկների համար: Ժամը 09:00-ից մինչեւ 21:00-ն կարելի Է դիմել օգնության եւ առաջացած այն հարցերի պատասխանների համար, որոնք կապված են թռիչքների սահմանափակման հետ: Զանգն անվճար Է»,-հայտնել են Ռոստուրիզմում:

Զբոսաշրջիկները կկարողանան իմանալ հրատապ նշանակություն ունեցող ողջ տեղեկատվությունը եւ գործողությունների տարբերակները՝ ելնելով յուրաքանչյուր կոնկրետ իրադրությունից: Բացի այդ, կարելի Է իմանալ բոլոր տուրօպերատորների «թեժ գծերի» հեռախոսահամարները, որոնք աշխատում են ժամանակավորապես փակ ուղղություններով, եւ ավիաընկերությունների ու հյուպատոսությունների կապերը, եթե ճանապարհորդն ինքնուրույն Է մեկնել: «Մենք տուրօպերատորներին խնդրում ենք՝ առավելագույն օժանդակություն ցուցաբերել զբոսաշրջիկներին: Իսկ զբոսաշրջիկներին՝ ըստ հնարավորինս շրջագայությունը հետաձգել ավելի ուշ ժամկետ կամ փոխել ուղեւորության ուղղությունը»,-հավելել են գերատեսչությունում:

Օգնության Է միացել...