Այո, ձերբակալություն, որպես հերթական քայլ` դատական համակարգի վերջնական ոչնչացման: Նախ` մեկ անձի տված ցուցմունքի պատճառով: Իսկ որ առավել էական է` կեղծ ցուցմունքի: Ընդ որում, ցուցմունք տված, ցուցմունք կորզած, հրահանգ իջեցրած «կոնգլոմերատի» նկատմամբ` վաղվա օրվա նոր իրավաբանական ծանրաբեռնվածությունն ավելացնելու հաշվին, բայց առայժմ` փաստերի ու հատկապես ցուցմունքների մասով: Այս մասին գրում է irates.am-ը: Չանդրադառնանք ցուցմունք տվածի հոգեբանական նկարագրին. աֆեկտիվ, կախվածությունների նկատմամբ նրա տեսակային բնութագիրը նույնպես թողնելով վաղվան, արձանագրենք` նախկին գյուղնախարար Սերգո Կարապետյանի ցուցմունքի այն հատվածը, ուր վերջինս «պնդել» է, թե ինքը զանգահարել է «Ֆլեշ» ընկերության ղեկավարին, նրան ասել, որ ավելի ցածր գնով դիզվառելիք առաջարկող կա։ Բարսեղ Բեգլարյանն էլ իբր զարմացել է` ո՞նց թե… պայմանավորվածություն կա Սերժ Սարգսյանի հետ` մրցույթում իրենց ընկերությունը հաղթող ճանաչելու մասով։ Ոչ. չենք ասում, որ սույն կարգի քննությունները գնալ-գնալով` մեկ էլ ու կարող են հասնել այնպիսի «նրբությունների», որ դիցուք, հարց առաջանա` որոշ «տեղաշարժեր» պետության մեջ, ասենք, «Իսկանդերներ» գնելուն առնչվող, ինչպե՞ս են տեղի ունեցել` Ադրբեջանի հետ ռազմական բալանսը հենց միայն «Իսկանդերով» հավասարեցնելու առումով: Չէ, նման բան չենք ասում, պարզապես մտածում ենք: Դառնալով էլ Սերգո Կարապետյանի ցուցմունքին, արձանագրում ենք` չի եղել նման զանգ, չի եղել նման խոսակցություն (ՏՏ դար է. կարող են հեռախոսազրույցները վերծանել-տեսնել, որ հոգեբանական տրանսի մեջ գտնվող ցուցմունքատերը, ինչպես և նրան հրահանգող վերնախավը, բուն ղեկավարը հոգեբանական խնդիրներ ունեն ու ստում են): Իհարկե, կարելի էր ծանրանալ անձեռնմխելիության ինստիտուտի, երրորդ նախագահի նկատմամբ իրավական ամենաթողության, խելագարության հասնող կանխավարկածների վրա: Կարելի էր Սերժ Սարգսյանի փաստաբանի հանգույն հարցնել` քվանտը հասկացանք, իրավապահ համակարգի նանո-արագությունը` նույնպես, բայց… երկու րոպեում վեց էջ «մեղադրանքը», տղերք, մի քիչ թիթիզություն չէ՞ երաժշտական նոտաներով մեղադրանք գրելու համար` էն էլ «վնգստոցի» էս թունդ օրերում: Մանավանդ որ, ՀՀ երրորդ նախագահը նաև եվրոպական մեծ ընտանիքի` ԵԺԿ անդամ կուսակցության նախագահն է, և պետք չէ կասկածել, որ հայաստանյան...