Հայաստանի ֆուտբոլի ազգային հավաքականի ավագ Հենրիխ Մխիթարյանը կարեւոր քայլ է արել կարիերան «Ռոմայում» շարունակելու համար: Այս մասին գրում է բրիտանական The Daily Mail պարբերականը: Նա հեռախոսազրույց է ունեցել «Արսենալի» ներկայացուցիչների հետ եւ ասել, որ չի ցանկանում վարձավճարով «Ռոմայում» հանդես գալու պայմանագրի ժամկետի ավարտից հետո լոնդոնյան թիմ վերադառնալ:
«Ռոմայում» մնալու նպատակին հասնելու ճանապարհին, սակայն, նա կարող է խոչըդոտներ ունենալ: Նախ «Արսենալը» շատ ավելի մեծ գումար է պահանջում նրա տրանսֆերը վաճառելու համար, քան «գայլերը» պատրաստ են վճարել: Լոնդոնցիները 20մլն եվրո են ուզում, մինչդեռ իտալական ակումբը 12մլն է առաջարկում: Բացի այդ՝ ակումբի սպորտային տնօրեն Ջանլուկա Պետրարկիի ապագան նույնպես մշուշոտ է: Հենց նա է զբաղվում Մխիթարյանի համար «Արսենալի» հետ բանակցություններով, սակայն նա կարող է չպահպանել իր տեղը «Ռոմայում», երբ ակումբի սեփականատերը փոխվի: Եթե նա գնա, բանակցությունները կարող են փակուղի մտնել, եւ 31-ամյա հայ ֆուտբոլիստը կարող է ստիպված լինել ամռանը վերադառնալ Լոնդոն:
Դա նրա համար ինչ-որ առումով կարող է հարված լինել, քանի որ «զիագործների» համար նա առանցքային ֆուտբոլիստ չի համարվում: Վերջերս լոնդոնյան թիմի գլխավոր մարզիչ Միկել Արտետան գովել է Մխիթարյանին, սակայն դրանից հետո էլ ակումբը շարունակում է մտածել ու քայլեր է ձեռնարկում նրան վաճառելու ուղղությամբ: Սրան գումարած՝ Մխիթարյանն իրեն շ...