«100 ներդրումային առաջարկ բիզնեսի համար» նախագծի շրջանակներում վրացական իշխանությունները աճուրդի են հանել կոմերցիոն առումով գրավիչ 100 տարբեր հանքավայրեր` այս անգամ ավելացնելով նոր բաղադրիչ` աճուրդ՝ հանածոների արդյունահանման լիցենզիայի համար: Այս մասին ասուլիսում հայտարարել է Վրաստանի էկոնոմիկայի նախարար Նաթիա Թուրնավան:
«100 ներդրումային առաջարկ բիզնեսի համար» նախագիծը Վրաստանում իրականացվում է 2019 թվականից: Այն նախատեսում է հարյուր զուգահեռ աճուրդների միաժամանակյա անցկացում և պետական գույքի մասնավորեցում` պարզեցված կարգով:
...
