Ճապոնիայի 39-ամյա բնակչուհի Ցուբակի Տոմոմին մասնակցել է հեռուստահաղորդումներից մեկին ու պատմել, որ անցած 21 տարում ավելի քան 300 պլաստիկ վիրահատություն և կոսմետիկ պրոցեդուրաներ է անցել՝ դրանց վրա ծախսելով 280 000 դոլար:
Ինչպես նշում է Oddity Central-ը, կինը տարվել է իր արտաքինը կատարելագործելու մոլուցքով, քանի որ դեռ մանկուց արտաքինի հետ կապված բարդույթ է ունեցել: Ցուբակիի խոսքով՝ բարդույթը ձևավորվել է մոր պատճառով, որը միշտ ասել է, թե նա նա տգեղ է, ու երբեք գոհ չի եղել դստեր արտաքինից:
«Մայրս ուրիշների ներկայությամբ բողոքում էր, որ ես աչքի ընկնող չեմ: Ուստի՝ դեռ մանկուց գլխումս ամրապնդվեց արտաքինս ամեն գնով փոխելու միտքը: Չնայած, որ խնդրում էի ինձ այդպես չստորացնել, սակայն նա շարունակում էր»,-պատմել է ճապոնուհին:
...
