Դեպի վեր

Կենդանիների նկատմամբ դաժան վերաբերմունքը քրեականացնող օրինագիծն ընդունվեց առաջին ընթերցմամբ

azatutyun.am09/16/2019, 4:48

Կենդանիների նկատմամբ դաժան վերաբերմունքը քրեականացնող օրինագիծն ընդունվեց առաջին ընթերցմամբ

Խորհրդարանն այսօր առաջին ընթերցմամբ ընդունեց կենդանիների նկատմամբ դաժան վերաբերմունքը քրեականացնող օրինագիծը։

Նախագծի հեղինակները «Բարգավաճ Հայաստան» խմբակցության պատգամավորներն են։ Նրանք առաջարկում են Քրեական օրենսգրքում «Կենդանու նկատմամբ դաժան վերաբերմունքը» անվանումով հոդված ավելացնել։

Նոր փոփոխությամբ պատժելի արարք կհամարվի կենդանու կյանքի ընդհատումը՝ խեղելու, կախելու, մասնատելու, հրազենով կրակելու, թունավորելու միջոցով, նաև կենդանիների մարտերի կազմակերպումը, որը կհանգեցնի խեղման կամ կենդանու կյանքի ընդհատման:

«Սա կարևորագույն քայլ առաջն էր, որի շուրջ մենք տարիներ շարունակ ենք աշխատել և սա ուրախություն է հենց շատ սովորական, շարքային քաղաքացուն, ով ուզում էր տեսնել ավելի ճիշտ իրավիճակ կենդանիների շուրջ, առավել ևս, երբ խոսքը գնում է դաժան վերաբերմունքի մասին», - ասում է կենդանապաշտպան Նարե Արամյանը:

Կենդանու նկատմամբ դաժան վերաբերմունքը քրեականացնող նախագծով սահմանվում է նվազագույն աշխատավարձի 100-ապատիկից մինչև 500-ապատիկի չափով տուգանք կամ 1-ից 3 տարի ժամկետով ազատազրկում։

Դեռևս տարիներ առաջ օրենսդրական փոփոխություններ առաջարկած կենդանապաշտպանները ողջունում են խորհրդարանականների նախաձեռնությունը, սակայն ընդգծում են՝ միայն օրենսդրական փոփոխությունները բավարար չեն խնդիրների լուծման համար։

«Ամբողջական ոլորտը կարգավորելու համար մեզ, անշուշտ, անհրաժեշտ է առանձին մի պատկան մարմին, որը կլինի նախ և առաջ միջգերատեսչական և որը կկարողանա կարգավորել մարդկային հասարակության կյանքի տարբեր ոլորտները՝ առողջապահություն, գյուղատնտեսություն, արտակարգ իրավիճակներ և այլն», - ասում է Նարե Արամյանը:

Կենդանապաշտպան Կարինե Փանոսյանը հավելում է․ - «Իրականում ամոթ էր, որ մենք մինչև հիմա չունեինք օրենսգրքում առանձին բաժին, որը վերաբերում էր կենդանիների նկատմամբ դաժան վերաբերմունքին, բայց որ մեզ այս օրենքը պետք էր օդ ու ջրի պես՝ սա հաստատ»:

Հասարակական կազմակերպությունների հավաքագրած վիճակագրության...

Կարդալ ամբողջովին

Եղանակ

Ջերմ {{currentData.temp}}℃
Քամի {{currentData.wind}}կմ/ժ
Խոնավ {{currentData.humidity}}
  • Երեւան
  • Աբովյան
  • Ծաղկաձոր
  • Սեւան
  • Գյումրի
  • Էջմիածին
  • Դիլիջան
  • Վանաձոր
  • Աշտարակ
7 օրվա տեսություն

Փոխարժեքներ

ԱռքՎաճառք
USD391.5397.5
EUR420431
RUR4.214.41
ավելին
Արդեն հասանելի է
Դեպի վեր