ՀՀ կենտրոնական բանկի ֆինանսական կայունության դեպարտամենտի տնօրեն Անդրանիկ Գրիգորյանն այսօր ներկայացրել է 2019 թ. «Ֆինանսական կայունության հաշվետվությունը»:
Նախ, Գրիգորյանը նկատում է՝ 2019-ը բավականին հաջող տարի է եղել, թե ընդհանուր տնտեսության զարգացման, թե ֆինանսական համակարգի զարգացման առումով։
«2018 թվականի ֆինանսական կայունության հաշվետվության մեջ նշված միտումները հիմնականում շարունակվել են նաև 2019-ին՝ ֆինանսական համակարգին բերելով բավականին բարեկեցիկ վիճակ։ 2019-ը առանձնացել է տնային տնտեսությունների վարկավորման ծավալների բավական մեծ աճով», - ըստ բանախոսի՝ աճ է նկատվել հատկապես հիպոթեքային վարկերի և տնային տնտեսություններին տրամադրված այլ տեսակի վարկավորման ոլորտում։
Իսկ հիմա ֆինանսական համակարգի մասին։ ԿԲ ֆինանսականան կայունության դեպարտամենտի տնօրեն Անդրանիկ Գրիգորյանի խոսքով՝ բանկերի շոկադիմակայունությունը շարունակել է բավականին բարձր մնալ։ Սրա նախադրյալներից է կապիտալի աճը, ինչի շնորհիվ բանկերը կարողանում են դիմակայել շոկերին։ Այսպիսով, ԿԲ արձանագրել է կապիտալի համարժեքության բավական բարձր ցուցանիշ։
2019-ին բանկերի իրացվելությունը ևս բարձր է եղել։ Ֆինանսական համակարգը կարողացել է ունենալ և պահել մեծ ծավալի իրացվելի միջոցներ՝ տնտեսությանը սպասարկելու և հաճախորդներին ֆինանսական ռեսուրսներ հասանելի դարձնե...