Brand Finance գործակալությունը հերթական անգամ հրապարակել է աշխարհի ամենաթանկ բրենդների ցուցակը։ 2020թ.-ի ցուցակը բաղկացած է 500 բրենդից, որոնց ընդհանուր արժեքը գնահատվել է 7.055 տրլն դոլար, ինչը 2019թ. ցուցանիշը գորազանցում է +177 մլրդ դոլարով։
Ցուցակը շարունակում է գլխավորել Amazon-ը, որն առաջատար էր նաև 2019թ.-ին։ Վերջին տարում Amazon բրենդի արժեքն աճել է 17.5%-ով և կազմել 220.8 մլրդ դոլար։ Երկրորդ հորիզոնական է բաձրացել Google-ը, որը 2019թ.-ին երրորդն էր, բրենդի արժեքն աճել է 11.9%-ով և կազմել 159.7 մլրդ դոլար։ Apple-ը երկրորդ հորիզոնականից նահանջել է երրորդ հորիզոնական, բրենդի արժեքը նվազել է 8.5%-ով և կազմել 140.5 մլրդ դոլար։
Microsoft-ը շարունակում է մնալ չորրորդ հորիզոնականում, բրենդի արժեքը վերջին տարում նվազել է 2.1%-ով և կազմել 117.1 մլրդ դոլար։
Ինչպես և նախորդ տարի, Samsung-ը զբաղեցնում է 5-րդ հորիզոնականը, հարավկորեական բրենդի արժեքն աճել է 3.5%-ով և կազմել 94.5 մլրդ դոլար։
Ութերորդ հորիզոնականից վեցերորդ է բարձրացել Չինական ICBC-ն, բանկային բրենդի արժեքն աճել է 1.2%-ով և կազմել 80.8 մլրդ դոլար։
Facebook-ը մնացել է յոթերորդ հորիզոնականում, առաջատար սոցիալական ցանցի բրենդի արժեքը նվազել է 4.1%-ով և կազմել 79.8 մլրդ դոլար։
Walmat-ը 11-րդ հորիզոնականից հայտնվել է 8-րդ հորիզոնականում, առաջատար առևտրային ցանցի բրենդի արժեքն աճել է 14.2%-ով և կազմել 77.5 մլրդ դոլար։
Չինական Ping An-ը 14-րդ հորիզոնականից բարձրացել է 9-րդ տեղ, ապահովագրական բրենդի արժեքն աճել է 19.8%-ով և կազմել 69.0 մլրդ դոլար։
Տասնայակը եզրափակում է Huawei-ը, որի բրենդի արժեքն աճել է 4.5%-ով և կազմել 65.1 մլրդ դոլար։ Չինական հսկան 2019թ.-ին 12-րդն էր։
Առաջատար տասնյակում ներկայացված է ամերիկյան՝ 6, չինական՝ 3 և հարավկորեական՝ 1 բրենդ։ Դրանցից 6 ներկայացնում են տեխնոլոգիաների ոլորտը, երկու բրենդով ներկայացված է առևտրի, իսկ մեկական բրենդիով՝ բանկային և ապահովագրության ոլորտները։
Ինչ վերաբերում է ամբողջական ցուցակին, ապա տեխնոլոգիական (46 բրենդ) ոլորտի բրենդների ընդհանուր արժեքը կազմում է 986.5 մլրդ դոլար կամ ընդհանուրի 14.0%-ը, որին հետևում է բանկային (66 բրենդ) ոլորտը՝ 926.4 մլրդ դոլար կամ ընդհանուրի 13.1%, եռյակը եզրափակում է առևտրի (45 բրենդ) ոլորտը՝ 794.0 մլրդ դոլար կամ ընդհանուրի 11.3%։
Հեռահաղորդակցության (36 բրենդ) ոլորտը ներկայացնող բրենդների ընդհանուր արժեքը 558.4 մլրդ դոլար է կամ ընդհանուրի 7.9%։ Ավտոմեքենաշինություն (23 բրենդ)՝ 496.2 մլրդ դոլար կամ ընդհանուրի 7.0%-ը։ Մեդիա (21 բրենդ)՝ 454.2 մլրդ դոլար կամ 6.4%։ Էներգակիրներ (27 բրենդ)՝ 378.7 մլրդ դոլար կամ ընդհանուրի 5.4%։ Ապահովագրություն (30 բրենդ)՝ 333.8 մլրդ դոլար կամ ընդհանուրի 4.7%։ Այլ (225 բրենդ)՝ 2.127 տրլն դոլար կամ ընդհանուրի 30.1%։
Եթե խոսենք աշխարհագրության մասին, ապա ամերիկյան 205 բրենդների ընդհանուր արժեքը գնահատվում...