Խելացի կանգառը Հայաստանում արդեն իրականություն է։ Առաջին խելացի կանգառը տեղադրվել է Էջմիածնում և դարձել է նվեր քաղաքի տոնին։
Խելացի կանգառը տեղադրվել է «Խելացի կանգառ» ՍՊԸ-ի կողմից։ «Խելացի կանգառ» ՍՊԸ-ի հանրային կապերի պատասխանատու Զարուհի Մանուչարյանը 168.am-ի հետ զրույցում նշում է, որ մինչև այս տարվա ավարտը միայն Էջմիածնում կլինեն 6-8 կանգառներ։ Երևանում մինչև տարեվերջ ևս նախատեսվում է տեղադրել կանգառներ։
Զարուհի Մանուչարյանը նշում է նաև, որ առաջարկը եղել է Էջմիածնի քաղաքապետարանի կողմից։
«Շնորհակալ ենք Էջմիածնի քաղաքապետարանին նախաձեռնողականության համար։ Մենք որոշեցինք սկսել Հայաստանի հոգևոր մայրաքաղաքից և կանգառի բացումն էլ համընկավ քաղաքի տոնի հետ։
Մենք բաց ենք առաջարկների համար և պատրաստ ենք գնալ այն քաղաքներ, որտեղ անհրաժեշտություն կա։
Նախագծի հեղինակները 4 ընկերներ են, ում անունները հանրությանը հայտնի չեն, բայց ովքեր հավաքվել են մեկ գաղափարի շուրջ՝ անել ինչ-որ լավ բան հանրության համար՝ դա համատեղելով բիզնեսի հետ»,- նշում է Զարուհի Մանուչարյանը։
Խելացի կանգառի ներդրումը ամբողջությամբ արվել է ՍՊԸ-ի կողմից, բայց այն սեփականության հիմքով տրվել է Էջմիածնի քաղաքապետարանին։ Հետագայում կանգառի հետ տեխնիկական խնդիրների կամ գույքի վնասման դեպքում վերանորոգման հարցերով զ...