Կոբի Բրայանթի և նրա դստեր՝ Ջիաննա Մարիա-Օնորեի հետ մահացել է նաև ուղղաթիռի հայ օդաչուն՝ Արա Զոբայանը։ Այս մասին հայտնում է losangeles.cbslocal.com-ը։
Բրայանթի մասնավոր ուղղաթիռում իրենից բացի եղել է 8 հոգի։ Նախքան Կալիֆոռնիա նահանգում կործանվելը այն քառորդ ժամ պտտվել է երկնքում:
Ռադարի տվյալների համաձայն՝ ուղղաթիռը 15 րոպեի ընթացքում Գլենդել քաղաքի վրա 10 պտույտ է կատարել, որից հետո ընկել է Լոս Անջելեսից 30 կիլոմետր հեռավորության վրա գտնվող Կալաբասաս սարի լանջին:
Ողբերգության հնարավոր պատճառներից է վատ տեսանելիությունը, քանի որ վթարի պահին Կալիֆոռնիայում մառախուղ է եղել:
