Ռուսաստանի Անվտանգության խորհրդի քարտուղար Նիկոլայ Պատրուշևը Երևանում, ի թիվս այլ հարցերի, քննարկել է նաև Սիրիային մարդասիրական օգնության տրամադրումը, հաղորդում է ռուսական կողմը, ամփոփելով Պատրուշևի՝ երեկ ավարտված երկօրյա այցի արդյունքները:
«Նիկոլայ Պատրուշևն ու Նիկոլ Փաշինյանը քննարկել են նաև միջազգային օրակարգի մի շարք հրատապ հարցեր, մասնավորապես՝ մարդասիրական օգնության տրամադրումը Սիրիայի ժողովրդին և խաղաղ կյանքի վերականգնումն այդ երկրում», - ասված է պաշտոնական հաղորդագրության մեջ:
Հայաստանը՝ Ռուսաստանի հետ համատեղ, այս տարվա փետրվարից մարդասիրական առաքելություն է իրականացնում արդեն ութ տարի ներքաղաքական պատերազմի մեջ գտնվող Սիրիայում: Համատեղ այս առաքելության մասին առաջինը հայտարարել էր վարչապետ Նիկոլ Փաշինյանը անցած տարի՝ հայ-ռուսական համագործակցության մասին իր ելույթում: Թե կոնկրետ ինչ են քննարկել կողմերն այս անգամ, ռուսական հաղորդագրությունը չի նշում:
Հայաստանի կառավարության պաշտոնական տեղեկատվության մեջ Սիրիան ընդհանրապես չի հիշատակվում: «Հարցը բարձրացվել է ռուսական կողմի նախաձեռնությամբ», - «Ազատությանը» պարզաբանեց վարչապետի խոսնակ Վլադիմիր Կարապետյանը:
«Սիրիայում մարդասիրական առաքելությանը մեր մասնակցության վերաբերյալ խոսել է հյուրը՝ մասնավորապես շեշտելով վերաբերմունքը Ռուսաստանյան Դաշնության մեր այդ որոշմանը: Բնականաբար, Ռուսաստանը բարձր է գնահատում Հայաստանի որոշումը՝ մարդասիրական առաքելությամբ ներկա լինել Սիրիայում», - ասաց Կարապետյանը:
Հայկական կողմն, իր հերթին, հաղորդել էր, թե Նիկոլ Փաշինյանն ու Նիկոլայ Պատրուշևը, ի թիվս այլ հարցերի, անդրադարձել են ղարաբաղյան խնդրին, ինչի մասին չէր հիշատակել Ռուսաստանի Անվտանգության խորհրդի հաղորդագրությունը: «Բովանդակային, բանակցային մակարդակի քննարկում չի եղել, եղել է մտքերի փոխանակում», -...