«Ազատությունը» զրուցել է Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանի հետ։
«Ազատություն»․ - Ճի՞շտ եմ, որ առայժմ խոսքը միայն տեսանյութերում նույնականացված գերիների մասին է, մասնավորապես՝ նրանց առաջնային իրավունքների։
Կիրակոսյան․ - Այո։ Թե՛ փաստաբանների խմբի, թե՛ Հայաստանի Հանրապետության անունից ներկայացվել են դիմումներ Եվրոպական դատարան կոնկրետ գերեվարված անձանց պաշտպանության խնդրանքով՝ նաև խնդրելով դատարանին կիրառել հրատապ միջոց կամ արդեն բոլորին հայտնի միջանկյալ միջոցը, որը դատարանը պարտավորեցնում է կոնկրետ գործողություններից ձեռնպահ մնալ, որպեսզի անդառնալի հետևանքներից խուսափենք։ Հիմնականում, այո, խոսքը գնում է էն անձանց մասին, որոնց վերաբերյալ առկա է շրջանառվում որևէ տեսանյութ, որտեղ որ մենք կարողացել ենք անձին նույնականացնել և հասկանալ կոնկրետ տեղանքը և այլ մանրամասները, որ անհրաժեշտ են նաև նկարագրելու համար, և ներկայացվել են դիմումներ։ Բայց նաև կան անձինք, որոնց վերաբերյալ չկա տեսանյութ, որոնց վերաբերյալ նաև ներկայացվել են դիմումներ, և դա բավարարվել է։ Այսինքն՝ տեսանյութը լավ ապացույց է, որովհետև ուղիղ արդեն հստակ տեսնում ենք անձին, բայց նաև կարող է լինել, օրինակ, հաղորդագրություններ որոշակի կամ այլ անուղղակի ապացույցներ, որոնց միջոցով կարելի է համադրելով հասկանալ, որ անձը գերության մեջ է։
«Ազատություն»․ - Իսկ եթե, ասենք, ադրբեջանական սոցցանցերի տեսանյութերում չեն երևացել, բայց ծնողները 40 օր է լուր չունեն, դա հի՞մք է կասկածելու, որ նա կարող է գերության մեջ լինել, և այդ հիմքով ...
