«Ինչպե՞ս եք ապրում»։ - «Շատ լավ». - այսպես է պատասխանել Ռուսաստանի նախագահ Վլադիմիր Պուտինը ՏԱՍՍ-ի լրագրողի հարցին։
Պետական լրատվական գործակալությունը Պուտինի հետ երեք ժամանոց հարցազրույց է վարել, որը վերնագրել է՝ «20 հարց Պուտինին»։ Այսօր հրապարակվել է այդ հարցազրույցի առաջին մասը, որում Ռուսաստանի նախագահը պատասխանել է երկրի նախկին և գործող վարչապետների մասին հարցերին։
Պուտինի խոսքով՝ Միխայիլ Միշուստինը վարչապետի հավակնորդների նախնական ցանկում չէր։ Նախագահին առաջարկել են չորս թեկնածու, սակայն Միշուստինի ազգանունն այդ ցուցակում չկար: «Ես ինքս եմ առաջարկել Միշուստինի թեկնածությունը և արդյունքում հենց նրան ընտրել», - ասել է հարցազրույցում Ռուսաստանի նախագահը՝ առանց նշելու, թե ովքեր էին այդ չորս թեկնածուները։
Պուտինի խոսքով՝ Միշուստինը, երբ ղեկավարում էր Դաշնային հարկային ծառայությունը, դարձել է թվայնացման ոլորտի մասնագետ: Միշուստինի առաքելությունն էր մեղմել հարկ վճարողների իրավիճակը և հարկային վճարումների գործընթացը դարձնել ավելի թափանցիկ ու հասկանալի: Ռուսաստանի նախագահի գնահատմամբ՝ Միշուստինը դա հիանալի է իրականացրել։
Վլադիմիր Պուտինը, հիշեցնենք, հունվարի 16-ին Միխայիլ Միշուստինին վարչապետ նշանակելու մասին հրամանագիր է ստորագրել: Մինչ այդ Միշուստինը գրեթե տասը տարի ղեկավարում էր Ռուսաստանի Դաշնային հարկային ծառայությունը:
ՏԱՍՍ-ի հրապարակած հարցազրույցի առաջին մասում Ռուսաստանի նախագահը խոսել է նաև նախկին նախագահ և վարչապետ Դմիտրի Մեդվեդևի մասին։ Մասնավորապես՝ նա հարցազրույցում պնդում է, թե Դմիտրի Մեդվեդևի հետ քննարկել է կառավարության հրաժարականի հարցը. ռուսական մի շարք աղբյուրներ և փորձագետներ, հիշեցնենք, նշել էին՝ Մեդվեդևն իր կառավարության հրաժարականի մասին տեղյակ չէր:
Պուտինը հարցազրույցում չի համաձայնել, որ Անվտանգության խորհրդի նախագահի տեղակալի պաշտոնը հատուկ են հորինել Մեդվեդևի համար, և որ վերջինիս պաշտոնաթողությունը նման էր հատուկ օպերացիայի։
«Մենք Մեդվեդևի հետ ընկերներ ենք և միմյանցից գաղտնիքներ չունենք։ Մեդվեդևը տեղյակ էր տեղի ունեցածի մասին», - հարցազրույցում ասել է Վլադիմիր Պուտինը։
Հիշեցնենք՝ 2008 թվականին Պուտինի հին ընկեր Մեդվեդևը չորս տարով ստանձնել էր Ռուսաստանի նախագահի պաշտոնը, նախագ...
