Այսօր՝ նոյեմբերի 8-ին, ժամը 10։30-ի սահմաններում հրդեհ է բռնկվել Շիրակի մարզի Արփենի բնակավայրի բնակիչ Հովհաննես Միքայելյանին պատկանող անասնագոմին կից տարածքում: Ամբողջովին մոխրակույտի է վերածվել 2000 հակ անասնակեր: «Նոր կառուցված անասնագոմի մոտ էր դրված դրանք, բայց թե ընչի է վառվել, չգիտեմ: Ամբողջությամբ այրվել է, երեւի մի 50-60 տուկ է մնացել, էն էլ բանի նման չէ,-ՀԺ-ի հետ զրույցում ասաց Արփենիի վարչական ղեկավար Վահագն Առաքելյանը:
2000 հակ անասնակերը մոտ 40 տոննա է նշանակում եւ միլիոններով հաշվվող վնաս: Վարչական ղեկավարը պարզ հաշվարկ է ներկայացնում: «1 տուկ խոտը հիմա 1200 դրամ է, 2000 հատը 1200-ով եղավ 2 մլն 400.000 դրամ, դրան էլ եթե գումարենք մնացած ծախսերը, մինչեւ 3 մլն-ի կհ...