Սպիտակ տուն. Լիովին ակնհայտ է, որ Ռուսաստանը միջամտել է նախագահական ընտրություններին

Ակնհայտ է, որ Ռուսաստանը միջամտել է 2016 թվականի նախագահական ընտրություններին: Այս մասին հայտարարել է Սպիտակ տան մամուլի քարտուղար Սառա Սանդերսը:

Նա նշել է, որ նախագահ Դոնալդ Թրամփը երբեք չի ասել, որ Ռուսաստանը չի միջամտել ընտրություններին: «Նա ասել է, որ դա (միջամտությունը) չի ազդել (ընտրությունների արդյունքների վրա) եւ չի օգնել Թրամփի նախընտրական քարոզարշավին, եւ ռուսների հետ ոչ մի դավադրություն չի եղել», - նշել է նա:

Հարցին՝ թե ինչու Թրամփը հրաժարվեց հաստատել Կոնգրեսի՝ Ռուսաստանի դեմ առաջարկած պատժամիջոցները, Սանդերսը խուսափել է պատասխանել: Նա միայն նշել է, որ ԱՄՆ Ներքին անվտանգության նախարար Քիրստեն Նիլսոնը հանդիպել է կողմերի հետ` «այս գործընթացը քննարկելու եւ ավելի լավ լուծման հասնելու համար»:

«Մենք շատ ժամանակ ծախսեցինք կիբերանվտանգության վրա՝ աշխատելով պաշտպանել մեր ընտրությունները», - ասել է Սանդերսը` հավելելով, որ այդ հարցը քննարկվել է նաեւ օտարերկրյա պետությունների ղեկավարների հետ:

Մեկնաբա...