Սահմանադրական դատարանի նախագահ Հրայր Թովմասյանը Հայաստանի հանրապետական կուսակցության անդամ էր, որ գրավված էր մաֆիայի պարագլուխների կողմից, այսօր «Ազատության» հետ զրուցում հայտարարեց մարդու իրավունքների նախկին պաշտպան Կարեն Անդրեասյանը: Թովմասյանը այն թելերով է կապված այդ մաֆիայի հետ, որ նա եղել է մի կառավարության ու կուսակցության անդամ, որը գրավված էր մաֆիայի կողմից, հավելեց նախկին օմբուդսմենը:
«Ազատություն». - Կարելի է ենթադրել, որ այդ կնքահայրական կապերը օգտագործելով, ենթադրենք, [Հայաստանի երկրորդ նախագահ Ռոբերտ Քոչարյանի փաստաբան] Օրբելյանը կարող է զանգահարել Հրայր Թովմասյանին և ասել՝ «գիտե՞ս, էսպիսի ցանկություն կամ մտադրություն կա գործը ուղարկել Սահմանադրական դատարան, տես ինչ ես անում»։
Կարեն Անդրեասյան. - Ճանաչելով մաֆիայի որոշ դեմքի կտորներ ներսից՝ ինձ մի քիչ զարմանալի ու միամիտ է թվում հարցը։ Եթե զանգելու լինեն, Արամ Օրբելյանի մակարդակո՞վ պիտի զանգեն Սահմանադրական դատարանի նախագահին, ինչի այլ զանգերի ու այլ մեխանիզմների, այլ շփումների ձևեր չկա՞ն, կամ ավելի լավ լծակներ չկա՞ն դրա համար։ Այստեղ այլ հարց է, թե ինչպես իրեն կդրսևորի Հրայր Թովմասյանը, որպես մարդ, որպես քաղաքացի, որպես դատավոր ինչպես կարտահայտվի իր, թեկուզ նախկինում ունեցած որոշ առնչություններից հետո, իր դիմագիծը ինչպիսին կլինի՝ հանուն ժողովրդի և ընդդեմ մաֆիայի՞, թե՞ հանուն նախկին և ներկա որոշակի հարաբերությունների և ընդդեմ ժողովրդի։
«Ազատություն». - Կարծում եք՝ այդ առնչությունները իրենց ազդեցությունը շարունակո՞ւմ են պահպանել Հրայր Թովմասյանի վրա։
Անդրեասյան. - Ես Հրայր Թովմասյանի անձնական հարաբերությունների մասին հիմա տեղեկացված չեմ, ես միայն կարող եմ ասել, որ Հրայր Թովմասյանը Հանրապետական կուսակցության անդամ էր, որը, իմ խորին համոզմամբ, գրավված էր մաֆիայի պարագլուխների կողմից և, իմ խորին համոզմամբ, Հանրապետական կուսակցության էն ազնիվ սերուցքը, որը կար դեռևս Աշոտ Նավասարդյանից ու շատ իր պես արժանավոր մարդկանցից հետո՝ Մարգարյանից և այլնից հետո, ցավոք սրտի, աստիճանաբար մեկուսացվեց, և մաֆիան գրեթե ամբողջությամբ գրավեց այդ կուսակցությունը։ Ես կարծում եմ, որ Հրայր Թովմասյանը նվազագույնը կապված է այդ մաֆիայի հետ այն թելերով, որ նա անդամ է եղել այն կառավարության, որը գրավված էր մաֆիայի կողմից, և այն կուսակցության, որը գրավված էր մաֆիայի կողմից։ Թե հիմա ինչպիսի, այսպես ասած, ինքնազտում է արել Հրայր Թովմասյանը, ինքնավեթինգ է արել Հրայր Թովմասյանը էս գործընթացներից հետո, ցույց կտա ժամանակը և ցույց կտա հենց ինքը Հրայր Թովմասյանը։
Տա Աստված, որ իմ ճանաչած, ազնիվ մասնագետը, որին ես ճանաչել եմ միջազգային կառույցներում աշխատանքից, վերադարձել է իր ներքին «ես»-ին էդ դաժան փորձություններից հետո։ Իմիջայլոց բոլորս ենք անցել դա, ես պիտի խոստովանեմ, որ էստեղ միայն Հրայր Թովմասյանը չի, երբ որ պաշտոն էի ստանձնում, ես...
