Ըստ Երևանի Կենտրոն վարչական շրջանի ղեկավար Վիկտոր Մնացականյանի, երեկ Ազատության հրապարակում միջադեպի փաստով հարուցվել է քրեական գործ՝ խուլիգանության հոդվածով։
«Մենք ունենք տվյալներ, որ արդեն փոխանցել ենք ոստիկանություն, որովհետև ուղղորդված մարդիկ են եղել։ Կողքի սրճարաններում արդեն զանգեր են ստացել, մոտեցել են, կամերաներն ուսումնասիրում են, արդեն հարուցված է գործ՝ խուլիգանության հոդվածով, որովհետև եղել են վիրավորանքներ՝ թե՛ մեր աշխատակիցների հանդեպ, թե՛ այլ ցուցարարների, որոնք եկել էին մեզ աջակցելու, թե՛ ոստիկանության աշխատողների նկատմամբ։ Մեր ամեն ինչը եղել է համաչափ, ոստիկանությունն աշխատել է համաչափ։ Վիդեոները նայեք, աղջիկներին, դպրոցականներին տրակտորի դեմ են բերել, կանգնացրել, թող սեփականատերերը գային, զրուցեին մեզ հետ, ոչ թե դնեին մենեջերների վրա, մատուցողներին՝ էդ աղջիկներին բերեին, գցեին առաջին պլան», - ասաց Մնացականյանը։
«Ազատության» հարցին՝ արդյո՞ք քաղաքային իշխանությունները բավարար ուսումնասիրություն են արել՝ պարզելու, թե քանի աշխատատեղ է վերացվում, այլընտրանք ստեղծվե՞լ է այդ մատուցողների համար, հավաքագրե՞լ են տվյալներ, թե քանի հոգի է գործազուրկ մնալու, Կենտրոն վարչական շրջանի ղեկավարը պատասխանեց. - «Համարենք, որ մոտավորապես ունեն 100 աշխատող, բայց փաստացի գրանցված են 12-ը, չորս սրճարանում, եթե չեմ սխալվում, գրանցված է 12 աշխատակից։ Այսինքն՝ մենք կարող ենք կասկածել, օրինակ, պետության հետ հարաբերվելիս հարգանք չեն ցուցաբերել, երկրորդը՝ Կասկադ...