Երեւանի նորընտիր ավագանու առաջին նիստը պետք է հրավիրվի հոկտեմբերի 10-ին: Դա համապատասխան օրենդրությամբ նախատեսված ժամկետն է:
«Ընտրական օրենսգրքի» 75-րդ հոդվածով սահմանվում է, որ Կենտրոնական ընտրական հանձնաժողովը Երեւանի ավագանու ընտրության վերջնական արդյունքները պետք է ամփոփի քվեարկության օրվանից հետո` 7-րդ օրը: Տվյալ դեպքում՝ սեպտեմբերի 30-ին, որովհետեւ մայրաքաղաքի բնակիչներն ավագանի են ընտրել սեպտեմբերի 23-ին: «Երեւան քաղաքում տեղական ինքնակառավարման մարմնի մասին» օրենքի 16-րդ հոդվածում ամրագրվում է, որ նորընտիր ավագանու առաջին նիստը հրավիրվում է ավագանու ընտրության արդյունքների պաշտոնական հրապարակումից հետո՝ 10-րդ օրը: Այդպիսով էլ ստացվում է, որ նորընտիր ավագանին նիստ կգումարի հոկտեմբերի 10-ին:
Երեւանի ավագանու արտահերթ ընտրություններում նվազագույն շեմը հաղթահարել է երեք քաղաքական ուժ՝ «Իմ քայլը» դաշինքը՝ ստանալով քվեարկության մասնակիցների ձայների 81.06 տոկոսը, «Բարգավաճ Հայաստան» կուսակցությունը՝ 6.95 տոկոսը եւ «Լույս» դաշինքը՝ 4....