Վճռաբեկի դատավորներն ակնկալում են հարգանք իրենց լիազորությունների հանդեպ

Հայաստանի երկրորդ նախագահ, Մարտի 1-ի գործով մեղադրյալ Ռոբերտ Քոչարյանի վերաբերյալ Սահմանադրական դատարանի մայիսի 7-ի որոշումը Վճռաբեկ դատարանի քրեական պալատի դատավորների հայտարարության առիթ է դարձել։

Սահմանադրական դատարանը, հիշեցնենք, գտել էր, որ Վճռաբեկը դատարանը պետք է Քոչարյանի խափանման միջոցի վերաբերյալ որոշում կայացներ, այլ ոչ թե հետ ուղարկեր լրացուցիչ քննության:

Քրեկաան պալատի դատավորները այսօրվա հայտարարությամբ շեշտել են․ - «Պետական իշխանության մարմիններն իրենց գործառույթները պետք է իրացնեն այնպես, որ հարգանք դրսևորվի միմյանց լիազորությունների և հեղինակության նկատմամբ»:

Ինչո՞ւ է այս հայտարարությունն այժմ տարածվել, երբ քննարկման թեմա է Քոչարյանի գործի վարույթի կասեցման հարցը:

Մեկնաբանում է Վճռաբեկ դատարանի նախագահ Երվանդ Խունդկարյանը․ - «Նկատի ունենալով այն հանգամանքը, որ նախաքննության փուլը այլևս ավարտված է, և ներկայումս ընթանում է գործի դատական քննության փուլը, նախաքննության գաղտնիության շղարշը արդեն վերացել է՝ ներկայումս քրեական պալատի դատավորները գտան, որ ճիշտ կլինի հասարակության բոլոր ներկայացուցիչներին ներկայացվի Վճռաբեկ դատարանի որոշումը, որովհետև այդ որոշման վերաբերյալ հնչում էին տարատեսակ մեկնաբանություններ»:

Անցյալ տարի առաջին ատյանի դատարանը խափանման միջոց կալանքն էր ընտրել Ռոբերտ Քոչարյանի համար: Վերաքննիչ դատարանը կալանքի որոշումը վերացրել էր, ապա հարցը վիճարկվեց Վճռաբեկ դատարանում:

Վճռաբեկի նախագահը հիմնավորում է, թե ինչու իրենք նոր քննություն անցկացնելու որոշում կայացրին․ - «Վերաք...