Աշխատանքներ են սկսվել Շուռնուխը Տաթև-Աղվանի-ին կապով ճանապարհի շինարարության ուղղությամբ, «Ֆեյսբուքյան ասուլիս» հաղորդման ընթացքում հայտարարեց Հայաստանի փոխվարչապետ Սուրեն Պապիկյանը:
Փոխվարչապետի փոխանցմամբ՝ նոր ճանապարհներ են նախատեսվում նաև դեպի Որոտան և Բարձրավան:
Անդրադառնալով Սյունիքի բնակիչների անհանգստություններին, թե ինչո՞ւ այլընտրանքային ճանապարհների աշխատանքները ավելի արագ չարվեցին, որպեսզի սյունիքցիները ավելի հանգիստ լինեին, Պապիկյանը նշեց, որ Տաթև-Աղվանի ճանապարհը ավելի վաղ կառուցելը ֆիզիկապես հնարավոր չէր. «Ճանապարհ կառուցելը միայն ասֆալտ փռել չէ, մանավանդ, որ մենք խոսում ենք մի ճանապարհի մասին, որը չէր օգտագործվում: Հիմա շինարարությունը լայն թափով ընթանում է»:
ԿԱՐԴԱՑԵՔ ՆԱԵՎ Սյունիքում այլընտրանքային ճանապարհներ կկառուցվեն. առաջարկվում է վերանորոգել Կապան-Տաթև ճանապարհըՓոխվարչապետը հայտնեց, որ ձեռնարկվել են Տաթև-Լծեն ճանապարհի աշխատանքները: Սա, Պապիկյանի խոսքով, հնարավորություն կտա, որ բեռնատարները չլինեն անցնել Տաթևի Սատանի կամուրջ կոչվող հատվածով:
«Տաթև-Աղվանին այս տարի կավարտվի, մինչև ձմեռ կունենանք բոլորի գրունտային անցանելի ճանապարհները, բայց, բանականաբար, ասֆալտապատ ճանապարհ կունենանք միայն գարնանը», - նշեց Սուրեն Պապիկյանը:
Սյունիքում «Հյուսիս-Հարավ»-ի կառուցման աշխատանքը նախատեսվում է մեկնարկել մյուս տարի. ՊապիկյանԱնդրադառնալով «Հյուսիս-Հարավ» ճանապարհի կառուցմանը, Պապիկյանը պատասխանեց, որ Սյունիքում այս ուղղությամբ աշխատանքը նախատեսվում է մեկնարկել մյուս տարի. «Եվրամիության աջակցությունը այս ուղղությամբ կունենանք»:
ԿԱՐԴԱՑԵՔ ՆԱԵՎ ԵՄ-ն պատրաստվում է 1.5 միլիարդ եվրոյից ավելի գումար հատկացնել Հայաստանին հինգ ծրագրերի համար«Խոսքը վերաբերում է Սիսիան-Քաջարան ճանապարհին, այստեղ ունենալու ենք երկու խոշոր թունել, 12 կամուրջ ու մոտեցնող ճանապարհներ, որի արդյունքում կկարողանանք կրճատել հսկայական ճանապարհ և դուրս գալ միանգամից Իրանի Իսլամական Հանրապետության հարևանությամբ», - ընդգծեց նա:
«Ամենօրյա ռեիժիմով զբաղվում ենք գերիների վերադարձի հարցերով»Հարցին էլ, թե ի՞նչ քայլեր են արվում Հին Թաղեր և Խծաբերդ տարածքների, ինչպես նաև գերիների վերադարձի ուղղությամբ, փոխվարչապետը պատասխանեց. «Կարծում եմ սրանք այն հարցերն են...