ՀՀԿ-ական պատգամավոր Մանվել Գրիգորյանի վերաբերյալ քրեական գործի շրջանակում խուզարկություն է իրականացվել նաև Մանվել Գրիգորյանի թիկնապահի՝ Մհեր Հովսեփյանի Արշալույս գյուղում գտնվող տանն ու կից օժանդակ շինություններում: Armtimes.com-ի հաղորդմամբ՝ Խուզարկության ժամանակ հայտնաբերվել է «Վիկինգ» տեսակի գործարանային ատրճանակ, 2 հատ կաշվե պատյան՝ որսորդական փամփուշտներով:
Տեղեկացանք, որ արդեն իսկ հարուցված քրեական գործի շրջանակում տասնյակ հարցաքննություններ են կատարվել. հարցաքննվել են նաեւ Մանվել Գրիգորյանի մերձավորները:
Մանրամասները՝ սկզբնաղբյուր կայքում
Հիշեցնենք, որ ՀՀԿ-ական պատգամավոր, Գեներալ Մանվել Գրիգորյանը ձերբակալվել է ամառանոցում ապօրինի զենք, ռազմամթերք հայտնաբերելու փաստի առթիվ հարուցված քրեական գործի շրջանակներում: Պարզվում է, որ Մանվել Գրիգորյանը կասկածվում է նաեւ ապրիլյան պատերազմի օրերին դպրոցականների կողմից զինծառայողների համար ուղարկված օգնությունը յուրացնելու համար: Այնուհետեւ այդ ամենը հաստատող հաղորդագրություն եւ տեսանյութ էր տարածել ԱԱԾ-ն։
...