Ութ տարում առաջին անգամ Հալեպի օդանավակայանում վայրէջք կատարեց ուղևորատար ինքնաթիռ

Տևական դադարից հետ «Սիրիական ավիաուղիներ»-ի առաջին ուղևորատար օդանավը նախօրեին վայրէջք կատարեց Հալեպի օդանավակայանում: Սա վերջին ութ տարվա ընթացքում առաջին չվերթն է, որը հաջողությամբ իրականացվեց ինը տարի շարունակվող սիրիական պատերազմի հետևանքով քարուքանդ արված երկրի երբեմնի տնտեսական կենտրոն Հալեպում:

Ութ տարում առաջին անգամ Սիրիայի մեծությամբ երկրորդ քաղաքում վայրէջք կատարած քաղաքացիական օդանավը ժամանել էր մայրաքաղաք Դամասկոսից` բերելով 120 ուղևորների, որոնց թվում էին նաև տրանսպորտի նախարար Ալի Համուդը, զբոսաշրջության նախարար Մուհամադ Մարթինին։

Երկու քաղաքների միջև հեռավորությունը 370 կիլոմետր է:

Տրանսպորտի նախարարի խոսքով՝ այժմ սիրիական կառավարությունը սպասում է միջազգային չվերթների թույլտվությանը, հաջորդ հնարավոր ուղևորությունը, որը նախատեսված է եկող ամիս, դեպի Կահիրե է:

Օդանավակայանի վերագործարկումը հնարավոր դարձավ, երբ Սիրիայի կառավարական բանակը Ռուսաստանի աջակցությամբ ազատագրեց Հալեպից հյուս-արևմուտք ընկած մի շարք ռա...