«Լուրջ մարտահրավեր էր այս աշխատանքը, քանի որ մեծ անվստահություն կար հիմնադրամի նկատմամբ՝ որոշ չափով տեղին, որոշ չափով անտեղի, բայց աջակիցների և թիմի հետ կարողացանք մասամբ հաղթահարել այդ անվստահությունը»,- «Առաջին լրատվական»- ի հետ զրույցում ասաց «Հայաստան» համահայկական հիմնադրամի գործադիր տնօրեն Հայկակ Արշամյանը: Նա կարծիք հայտնեց, որ հայկական Սփյուռքը հսկայական պոտենցիալ ունի, և պետք է կարողանալ այդ պոտենցիալը շատ ավելի լուրջ օգտագործել, նաև մեծացնել Սփյուռքի ներգրավվածությունը Հայաստանի կյանքում և զարգացման գործում: «Դրա համար պետք է մարդկանց վստահեցնել, որ իրենց ներդրումը իրական է և նպաստելու է երկրի զարգացմանը»,- նշեց մեր զրուցակիցը՝ ընդգծելով, որ համագործակցությունը պետք է լինի երկկողմանի՝ «Հայաստան» հիմնադրամը և Հայաստանի նոր իշխանությունը պետք է որոշակիորեն օգտակար լինեն նաև Սփյուռքին, և դա պետք է նպաստի, որ սփյուռքահայերն ունենան Հայաստանի՝ որպես հայրենիքի իրական սեփականատիրոջ զգացում:
Հ. Արշամյ...