Ռոբերտ Քոչարյանի գործով դատական նիստը չսկսված՝ Երևանի ընդհանուր իրավասության դատարանի առջև միաժամանակ երկու բողոքի ակցիա մեկնարկեց. մի կողմում Քոչարյանին հանցագործ համարողներն էին, մյուսում՝ երկրորդ նախագահին հերոս հռչակած քաղաքացիները:
Ընդդեմ Քոչարյանի ակցիայի մասնակիցները հայտարարեցին, թե մյուս հատվածում հավաքված քաղաքացիները գումարի դիմաց են եկել: Պնդեցին, թե փաստեր ունեն:
Քոչարյանի աջակիցները հերքեցին` հայտարարելով, թե իրենք հանուն գաղափարի են եկել: Ավելին պնդեցին, որ ընդդեմ Քոչարյանի ակցիայի մասնակիցներն են գումար վերցրել․ - «Բացահայտ սուտ է: Խնդրում եմ էն անձինք, ովքեր նման հերյուրանքներ են տարածում, իբր գումար են բաժանում, անձնագիր են հավաքում, նույնիսկ ասացին, որ ստիպողաբար ոմանք բերվել են ստեղ: Բոլոր էդ տեղեկությունները փաստացի հերքել ենք: Խնդրել ենք, որ այն անձինք, ովքեր նման տեղեկատվություն տարածում են, թող ներկայանան, փաստերով խոսեն»:
Մարտի 1-ի 10 զոհերի հարազատներից երկուսը ևս դատարանի դիմաց էին:
Սամվել Հարությունյանի հայրը` Էդիկ Հարությունյանը նախորդ օրերին իրադարձություններին համացանցով էր հետևում․ - «Էսօր էդ արյունոտ փողերն են ուտում: Իրանք էսօր ամեն կերպ ուզում են արդարացնեն: Ո՞նց կարելի ա հանցագործությունն արդարացնել: Ռոբերտ Քոչարյանի օրոք ես վեցը տարի կռվել եմ, մի հատ ՏՕԶ տիպի հրացանի համար ինձ դատապարտեցին մեկ տարվա ազատազրկման: Ինչի՞: Ամեն ինչ արել են, ամեն ինչ գողացել են, թալանել են, մեր ժողովրդին, շատ կներեք, բռնաբարել են, էսօր ուզում են արդարությունը հաստատե՞ն: Մենք հավատում ենք հեղափոխությանը, հեղափոխության կազմակերպիչներին ու շատ վստահ ենք, որ Մարտի 1-ը վերջապես կբացահայտվի, բոլոր հանցագործները կպատժվեն»:
10 զոհերից Արմեն Ֆարմանյանի հայրը՝ Վաչագան Ֆարմանյան ևս հույս ունի, որ նոր իշխանությունների օրոք կբացահայտվեն մարտի մեկի արյունալի իրադարձությունների պատասխանատուները․ - «Տասնմեկ տարի ա պայքարում ենք մաքրության, բացահայտումների․․․ այսինքն բացահայտման դժվարություն չկա, բացահայտված ա: Եթե բացահայտված չլիներ, էս ժողովուրդը ձեզ վկա: Վերջը պիտի լինի մի բ...