Անգլիան խոշոր մրցաշարերում վաղուց հաջողության չի հասել, եկել է ժամանակը փոխել այդ ավանդույթը, ասել է Անգլիայի հավաքականի եւ Լոնդոնի «Տոտենհեմի» հարձակվող Հարի Քեյնը աշխարհի առաջնության խմբային փուլի առաջին տուրի խաղում Թունիսի հավաքականի նկատմամբ 2:1 հաշվով հաղթանակից հետո:
«Եվրո-2016-ում ես դժգոհ էի իմ խաղից, հիմա պետք է ձգտել լուրջ արդյունքի: Իհարկե, կան թիմեր, որոնցից պետք է զգուշանալ: Թունիսի հետ խաղը ցույց տվեց, որ բոլորն էլ վտանգավոր են: Մեքսիկան հաղթեց Գերմանիային, մյուս արդյունքները եւս անսպասելի են:
Թունիսի հետ խաղում մենք կարողացանք հավաքվել եւ ցատկ կատարել հենց այն պահին, երբ պետք էր: Այդպիսի պահեր են կանխորոշում արդյունքը աշխարհի առաջնությունում:
Ռոնալդուի հեթ-տրիկը ոգեշնչում է: Ես նույնպես ձգտելու եմ այս առաջնությունում լինել լավագույն հետ նույն շարքում»,- Հարի Քեյնի խոսքը մեջբերում է championat.com-ը:
ԱԱ-2018, G խումբ
Թունիս - Անգլիա՝ 1։2 (տեսանյութ)
Ֆերժանի Սասի, 35 (11մ) – Հարի Քեյն, 11, 90+1
Թունիս․ Հասեն (Ֆ․ Բեն Մուստաֆա ), Բրոն, Մալուլ, Ս․ Բեն-Յուսեֆ, Սկիրի, Մերիա, Սասի, Սլիտի (Բեն Ամոր, 74), Ֆ․ Բեն-Յուսեֆ, Հազրի (Խելիֆա, 85), Բադրի։
Անգլիա․ Պիկֆորդ, Տրիպյեր, Ստոունս, Ուոլկեր, Մագուայեր, Յանգ, Լինգարդ (Դայեր...