ՀՀ Արդարադատության նախկին նախարար Արփինե Հովհաննիսյանը սահմանադրական բարեփոխումների մասնագիտական հանձնաժողովում ընդգրկվելու հայտ է ներկայացրել։ Այս մասին նա գրել է ֆեյսբուքի իր էջում։ Արփինե Հովհաննիսյանը հայտը ներկայացրել է որպես իրավաբան-գիտնական: «Ինչպես հայտնի է՝ հանձնաժողովի իրավաբան-գիտնական անդամ կարող են լինել յոթ տարվա մասնագիտական փորձառություն ունեցող իրավաբանական գիտությունների այն թեկնածուները կամ դոկտորները, ովքեր սահմանադրական բարեփոխումների գործընթացին առնչվող բնագավառներում առավել մեծ փորձառություն ունեն»,-գրել է Հովհաննիսյանն ու ըստ տարեթվերի մանրամասն ներկայացրել սահմանադրական բարեփոխումների ոլորտում իր ունեցած փորձը։
«Շատ հաճախ ներկայացվող քննադատություններին ի պատասխան իշխանությունների կողմից բերվում է այն փաստարկը, որ ներկայացված՝ քննադատությունները ապակառուցողական են, հեռվից հեռու կատարվող դիտարկումներ են, սակայն եթե օր...
